အားလုံးပဲ မင်္ဂလာပါ။ ဒီတစ်ခါမှာ ရွှေဖရုံသီးကို ကြက်ဥနဲ့ ဘယ်လိုရောကြော်နိုင်မလဲဆိုတာကို MyFood Myanmar ရဲ့အိမ်ရှင်မတို့အတွက် ဝေမျှပေးလိုက်ပါတယ်။
ပါဝင်ပစ္စည်းများ
- ရွှေဖရုံသီး ၂၀၀ ဂရမ်
- ကြက်ဥ ၂ လုံး
- ပါးပါးလှီးထားသော ကြက်သွန်ဖြူ စားပွဲတင်ဇွန်း ၁ ဇွန်း
- ပင်စိမ်းရွက် လက်တစ်ဆုပ်စာခန့်
- ဟင်းချက်ဆီ စားပွဲတင်ဇွန်း ၂ ဇွန်း
- ငါးငံပြာရည် လက်ဖက်ရည်ဇွန်း တစ်ဝက်
- ခရုဆီ လက်ဖက်ရည်ဇွန်း ၂ ဇွန်း
- သကြား လက်ဖက်ရည်ဇွန်း ၁ ဇွန်း
- ရေ စားပွဲတင်ဇွန်း ၂ ဇွန်း
ပြုလုပ်နည်း အဆင့်ဆင့်
၁။ ပထမဦးဆုံး ရွှေဖရုံသီးကို ပြုတ်ထားပါ။ ဒါမှမဟုတ် ပေါင်းထားလို့လည်း ရပါတယ်။
၂။ ရရှိလာတဲ့ ရွှေဖရုံသီးပြုတ် (သို့) ရွှေဖရုံသီးပေါင်းကို အခွံခွာပြီး အနေတော်အတုံး တုံးထားပါ။
၃။ ဒယ်အိုးတစ်လုံးကို အပူပေးပြီး ဆီ စားပွဲတင်ဇွန်း ၂ ဇွန်းထည့်ပါ။ ဆီပူလာပါက ကြက်သွန်ဖြူ စားပွဲတင်ဇွန်း ၁ ဇွန်းထည့်ပြီး စက္ကန့် ၃၀ ခန့် ဆီသတ်ပါ။
၄။ ထို့နောက် ကြက်ဥ ၂ လုံး ဖောက်ထည့်ကာ မွှေကြော်ပေးလိုက်ပါ။
၅။ ၁ မိနစ်ခန့်ကြာပြီးနောက်မှာတော့ ရွှေဖရုံသီးများထည့်ကာ သမအောင် ထပ်မွှေပါ။
သကြား လက်ဖက်ရည်ဇွန်း ၁ ဇွန်းထည့်ပါ။
ခရုဆီ လက်ဖက်ရည်ဇွန်း ၂ ဇွန်း၊ ငါးငံပြာရည် လက်ဖက်ရည်ဇွန်း တစ်ဝက်၊ ရေ စားပွဲတင်ဇွန်း ၂ ဇွန်းထည့်ကာ ၁ မိနစ်ခန့် မွှေကြော်ပါ။
၆။ မီးဖိုပေါ်က ချခါနီးကျမှ ပင်စိမ်းရွက် လက်တစ်ဆုပ်စာခန့်ထည့်ကာ မွှေကြော်ပေးလိုက်ပါ။
ဒါဆိုရင်တော့ ပင်စိမ်းရွက်လေး သင်းနေတဲ့ ရွှေဖရုံသီး ကြက်ဥမွှေကြော်ဟင်းလျာလေး ရရှိသွားပါပြီ။
Source: Samanthasmommy.com
