အားလုံးပဲ မင်္ဂလာပါ။ ဒီတစ်ခါမှာတော့ ကိုရီးယားအစားအစာ ကြိုက်နှစ်သက်သူများအတွက် ကင်ချီထမင်းကြော် ကြော်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ကင်ချီ ၁၅၀ ဂရမ်
- ကြက်သွန်နီ တစ်ခြမ်း (ပါးပါးလှီးထားပါ)
- ပါးပါးလှီးထားသော ကြက်သွန်ဖြူ စားပွဲတင်ဇွန်း ၁ ဇွန်း
- ပဲငံပြာရည် စားပွဲတင်ဇွန်း ၁ ဇွန်း
- ထောပတ် (သို့) ဆီ စားပွဲတင်ဇွန်း ၁ ဇွန်း
- အမဲသားလွှာ ၄ ပြား၊ ၅ ပြားခန့် (အနေတော် အတုံးတုံးထားပါ)
- ထမင်း ပန်းကန်လုံး ၃ လုံးစာ
- ကြက်ဥ ၄ လုံး (Half-Fried ကြော်ထားပါ)
- ဆားအနည်းငယ်
ပြုလုပ်နည်း အဆင့်ဆင့်
၁။ ဒယ်အိုးကို အပူပေးပြီးနောက် ကင်ချီနှင့် ကြက်သွန်နီတို့ထည့်ပြီး မိနစ်အနည်းငယ်ခန့် မွှေကြော်ပေးလိုက်ပါ။
၂။ (၂) မိနစ်ခန့်ကြာတဲ့အခါမှာတော့ ကြက်သွန်ဖြူ၊ ပဲငံပြာရည်၊ ထောပတ် စားပွဲတင်ဇွန်း တစ်ဝက်တို့ထည့်ပြီး ၂ မိနစ်၊ ၃ မိနစ်ခန့် ကြော်ပေးလိုက်ပါ။
၃။ ထို့နောက် အမဲသားတုံးများ ထည့်ကြော်ပေးလိုက်ပါ။ အမဲသားတုံးများ ကျက်သွားပြီျှိုရင်တော့ မီးအပူ ပိတ်ထားလိုက်ပါ။ ဒယ်အိုးရဲ့အပူနဲ့ပဲ ဆက်လက်ကြော်ပေးရပါမယ်။
၄။ ထမင်းနှင့် ကျန်ရှိနေတဲ့ ထောပတ်တို့ကို ဒယ်အိုးထဲထည့်ကာ ဆက်လက်ကြော်ပေးရပါမယ်။ ထမင်းများ အဖြူရောင်မှ ကင်ချီအရောင်ပြောင်းသွားပြီဆိုရင်တော့ အရသာအပေါ့အငန်မြည်းကြည့်ပြီးနောက် မီးဖိုပေါ် ချလိုက်လို့ရပါပြီ။
ထို့နောက် ကြက်ဥ Half-Fried တစ်လုံးနဲ့ တွဲဖက်စားသုံးလိုက်ပါ။ အရသာရှိတဲ့ ကင်ချီထမင်းကြော် ပြုလုပ်နည်းလေးပဲဖြစ်ပါတယ်။
Source: Thespruceeats.com
