ဝက်နားရွက်ကို စားလေ့စားထမရှိပေမယ့်လည်း ဝက်သားတုတ်ထိုးစားတဲ့အခါမှာတော့ မပါမဖြစ်ပါနော်။ ဒီလိုမျိုး စားလိုက်တိုင်း အရမ်းဝါးလို့ကောင်းတဲ့ ဝက်နားရွက်လေးကို အရသာအစပ်အဟပ်ကောင်းမွန်တဲ့ အသုပ်လေးအနေနဲ့သုပ်စားကြည့်ကြမယ်။

ပါဝင်ပစ္စည်းများ

  • ဝက်နားရွက်
  • ပဒဲကော လက်တဆစ်ခန့် (ကွဲရုံထုထားပါ)
  • နာနတ်ပွင့် ၃ ပွင့်
  • လေးညှင်းပွင့် ၄ ပွင့်
  • တရုပ်မဆလာ အနည်းငယ်
  • ငရုတ်ကောင်းစေ့ အဖြူ အနည်းငယ်
  • ငရုတ်သီးအစိမ်း ၁၅ တောင့် (ပါးပါးလှီးထားပါ)
  • ကြက်သွန်ဖြူ ၈ မွှာ (သေးသေး ၊ ပါးပါးလှီးထားပါ)
  • ငံပြာရည် အနည်းငယ်
  • သကြား အနည်းငယ်
  • ဆား အနည်းငယ်
  • ရှာလကာရည် (သင့်တော်သလောက်)
  • တရုတ်နံနံ အနည်းငယ်
  • သခွါးသီး ၁ လုံး (အတုံး သေးသေးတုံးထဲပါ)
  • ဆလပ်ရွက် အနည်းငယ်
  • နှမ်းဆီ ၃ စက်
  • Maggi Seasoning Sauce

ပြုလုပ်နည်း

  1. အိုးထဲတွင် ဝက်နားရွက်ကို ပဒဲကော၊ နာနတ်ပွင့်၊ လေးညှင်းပွင့်၊ ငရုတ်ကောင်းစေ့ အဖြူ ၊ Maggi Seasoning Sauce၊ ဆားတို့နှင့် ရေကို ဝက်နားရွက် ဖုံးရုံ ထည့်၍ မီးအေးေးဖြင့် ပြုတ်ပါ ။
  2. အချဉ်ရည်အတွက် ငရုတ်သီးအစိမ်း၊ ကြက်သွန်ဖြူ၊ ငံပြာရည်၊ သကြား၊ ဆား နှင့် ရှလကာရည်တို့ကို ချဉ်ငံစပ် အရသာ ရအောင် ဖျော်ထားပါ ။
  3. ဝက်နားရွက် ကျက်သည့်အခါ မထူမပါး လှီး၍ သခွါးသီး၊ ဆလပ်ရွက်၊ တရုတ်နံနံ ၊ အချဉ်ရည်နှင့် နှမ်းဆီ ၃ စက် ထည့်၍ သုပ်ပါ။
  4. အရသာ အချဉ် အစပ် အပေါ့ အငံ မြည်း၍ သုံးဆောင်နိုင်ပါပြီ။

MyFood Myanmar