ဂျပန်လူမျိုးတွေက ဟင်းချက်တဲ့အခါ အရသာပိုရှိအောင်ဆိုပြီး ဝိုင်နီကို အသုံးပြုလေ့ရှိကြပါတယ်။ ဒီတစ်ခါမှာလည်း ဝိုင်နီအသုံးပြုပြီး အမဲသားဟင်း ဘယ်လိုချက်မလဲဆိုတာကို ဝေမျှပေးလိုက်တယ်နော်။
ပါဝင်ပစ္စည်းများ
- အမဲသား ၄၀၀ ဂရမ် (အနေတော် အတုံးတုံးထားပါ)
- ဝိုင်နီ ၂၅၀ မီလီလီတာ
- ပဲငံပြာရည် လက်ဖက်ရည်ဇွန်း ၁ ဇွန်း
- ပျားရည် စားပွဲတင်ဇွန်း ၁ ဇွန်း
- ကြက်သွန်နီ ၂ လုံး (အခွံခွာပြီး ပါးပါးလှီးထားပါ)
- မုန်လာဥနီ ၂ လုံး၊ ၃ လုံးခန့် (အခွံခွာပြီး အတုံးခပ်သေးသေးတုံးထားပါ)
- ခရမ်းချဉ်သီးအနှစ် စားပွဲတင်ဇွန်း ၁ ဇွန်း
- ရေ ၁ လီတာ
ပြုလုပ်နည်း အဆင့်ဆင့်
၁။ အမဲသားတုံးများကို ပန်းကန်လုံးထဲထည့်ပြီး ဝိုင်နီ၊ ပျားရည်နှင့် ပဲငံပြာရည်တို့ဖြင့် အနည်းဆုံးတစ်နာရီခန့် စိမ်ထားလိုက်ပါ။ (အချိန်ရမယ်ဆိုရင်တော့ တစ်ညလောက်စိမ်ထားလိုက်ပါ)
၂။ ဒယ်အိုးကို အပူပေးပြီး ဆီအနည်းငယ်ထည့်ကာ ကြက်သွန်နီ၊ မုန်လာဥနီတို့ထည့်ကာ တစ်မိနစ်ခန့် ကြော်ပေးလိုက်ပါ။
၃။ ထို့နောက် ခရမ်းချဉ်သီးအနှစ်ထည့်ပြီး သမအောင် ထပ်မွှေပေးလိုက်ပါ။ ပြီးရင်တော့ အမဲသားတုံးများ ထည့်ပေးလိုက်လို့ရပါပြီ။
၄။ အမဲသားများနှင့် မုန်လာဥများကို သမအောင် မွှေပြီးတဲ့အခါမှာတော့ ရေ ၁ လီတာခန့်ထည့်ပြီး တစ်နာရီ၊ တစ်နာရီခွဲခန့် တည်ထားလိုက်ပါ။
အမဲသားတုံးများ နူးအိသွားပြီဆိုရင်တော့ ဆားနှင့် ငရုတ်ကောင်းအနည်းငယ်တို့ ထည့်ကာ အရသာအပေါ့အငန်မြည်းကြည့်လိုက်ပါ။
အားလုံးပြီးသွားပြီဆိုရင်တော့ ဂျပန်စတိုင်လ် အမဲသားဟင်းလေး ရရှိသွားပါပြီ။ ထမင်းနဲ့ အတူတူအရသာရှိရှိ တွဲဖက်စားသုံးနိုင်ပါပြီ။
Source: Asianfoodchannel.com
