[Unicode]
လူတိုင်းက နေမကောင်းဖြစ်နေတဲ့အချိန်မှာ ခံစားရတဲ့ဝေဒနာတွေ အမြန်သက်သာပျောက်ကင်းချင်ကြတဲ့သူတွေချည်းပါပဲ။ ဒါပေမဲ့ ဆေးဆိုင်၊ ဆေးခန်းတွေက သင့်အိမ်နဲ့ တော်တော်ဝေးတဲ့အခြေအနေမျိုးမှာ ဒါမှမဟုတ် ဆေးခန်းဖွင့်ချိန်အထိ မစောင့်ချင်ဘဲ ရောဂါမြန်မြန်သက်သာချင်တယ်ဆိုရင် သဘာဝအိမ်တွင်းဆေးနည်းလေးတွေ အသုံးပြုပေးလိုက်ပါ။
ကိုယ်ခံစားရတဲ့ ဝေဒနာအမျိုးအစားပေါ် မူတည်ပြီး သုံးရတဲ့ဆေးနည်းတွေကလည်း ပြောင်းလဲသွားတာကြောင့် မှန်ကန်တဲ့ဆေးနည်းကို ဖော်စပ်နိုင်ဖို့ရန်အတွက် ဆက်လေ့လာကြည့်လိုက်ရအောင်။
ပျားတုပ်ခံရတဲ့အခါ (သို့) အင်းဆက်ပိုးကောင် အကိုက်ခံရတဲ့အခါ
မုန့်ဖုန်ဆိုဒါနဲ့ ရေတို့ပဲ လိုအပ်ပါတယ်။ ထိုပါဝင်ပစ္စည်းနှစ်မျိုးကို သမအောင် ရောမွှေပြီးနောက် ပျားတုပ်ခံရတဲ့နေရာ (သို့မဟုတ်) အကောင်ကိုက်ခံရတဲ့နေရာပေါ်မှာ လိမ်းပေးလိုက်ပါ။ ယားယံခြင်းနဲ့ နာကျင်ခြင်းတို့ သက်သာပျောက်ကင်းသွားပါလိမ့်မယ်။
နှုတ်ခမ်းကွဲခြင်း
Source: grelia.gr
ရေသောက်နည်းလို့ပဲဖြစ်ဖြစ် ရာသီဥတုအပြောင်းအလဲကြောင့်ပဲဖြစ်ဖြစ် နှုတ်ခမ်းကွဲတဲ့အခါ သံလွင်ဆီကိုသာ သတိရလိုက်ပါ။ သံလွင်ဆီကို နှုတ်ခမ်းနီ လိမ်းသလိုမျိုး ပွတ်လိုက်ပေးလိုက်ပါ။ နှုတ်ခမ်းကို အစိုဓာတ်ပြန်လည်ဖြည့်တင်းပေးနိုင်ပါတယ်။
နောက်တစ်နည်းကတော့ ပျားဖယောင်းနဲ့ သံလွင်ဆီကို ဆတူရောနှောရမှာပဲဖြစ်ပါတယ်။ ရောနှောပြီးနောက်မှာ Lip Balms ကဲ့သို့ အသုံးပြုပေးနိုင်ပါပြီ။
အအေးမိခြင်းကြောင့် ချောင်းဆိုးခြင်း
အအေးမိ ဖျားနာခြင်းရဲ့ နောက်ဆက်တွဲရောဂါကတော့ ချောင်းဆိုးခြင်းပဲဖြစ်ပါတယ်။ ချောင်းဆိုးတာကို ရပ်တန့်ဖို့ဆိုရင် ချောကလက်မဲကို စားသုံးပေးသင့်ပါတယ်။ ၂၀၁၂ ခုနှစ်ရဲ့ လေ့လာတွေ့ရှိချက်အရ ချောကလက်မဲထဲမှာပါဝင်တဲ့ ကိုးကိုးမှုန့်က ဖျားနာစဉ်မှာ အာရုံခံနာ့ဗ်ကြောများကို ပိတ်ဆို့ပေးထားတာကြောင့် ချောင်းဆိုးခြင်း ဆက်လက်မဖြစ်ပေါ်အောင် တားဆီးပေးပါတယ်။ သတိထားရမှာကတော့ ချောကလက်မဲတစ်ခုတည်းကသာ ထိုကဲ့သို့ စွမ်းဆောင်ပေးနိုင်တယ်ဆိုတာပါပဲ။ နို့ချောကလက်ကတော့ အစွမ်းထက်မှာမဟုတ်ပါဘူး။
အသားအရေခြောက်သွေ့ခြင်းအတွက်
ပင်လယ်ဆားက အသားအရေခြောက်သွေ့ခြင်းအတွက် အစွမ်းထက်တဲ့ မီးဖိုချောင်သုံးပစ္စည်းတစ်ခုပဲဖြစ်ပါတယ်။ ပင်လယ်စာ ပန်းကန်လုံးတစ်ခွက်စာကို ဆီ ပန်းကန်လုံးတစ်ဝက်စာခန့်နဲ့ရောပြီး အသားအရေခြောက်သွေ့ပြီး အညိုကွက်တွေဖြစ်နေတဲ့ ဒူးခေါင်း၊ တံတောင်ဆစ်နဲ့ ခြေဖနောင့်နေရာတွေကို ပွတ်တိုက်ပေးလိုက်ပါ။ ဒီနည်းလမ်းကတော့ အသားအရေကို ချေးချွတ်ပေးတဲ့နည်းလမ်းပဲဖြစ်ပါတယ်။ အသုံးပြုပြီးတဲ့နောက်မှာ အသားအရေ ကြည်လင်စိုပြေသွားပါလိမ့်မယ်။
Source: selfreliantschool.com
[Zawgyi]
လူတိုင္းက ေနမေကာင္းျဖစ္ေနတဲ့အခ်ိန္မွာ ခံစားရတဲ့ေဝဒနာေတြ အျမန္သက္သာေပ်ာက္ကင္းခ်င္ၾကတဲ့သူေတြခ်ည္းပါပဲ။ ဒါေပမဲ့ ေဆးဆိုင္၊ ေဆးခန္းေတြက သင့္အိမ္နဲ႔ ေတာ္ေတာ္ေဝးတဲ့အေျခအေနမ်ိဳးမွာ ဒါမွမဟုတ္ ေဆးခန္းဖြင့္ခ်ိန္အထိ မေစာင့္ခ်င္ဘဲ ေရာဂါျမန္ျမန္သက္သာခ်င္တယ္ဆိုရင္ သဘာဝအိမ္တြင္းေဆးနည္းေလးေတြ အသံုးျပဳေပးလုိက္ပါ။
ကိုယ္ခံစားရတဲ့ ေဝဒနာအမ်ိဳးအစားေပၚ မူတည္ၿပီး သံုးရတဲ့ေဆးနည္းေတြကလည္း ေျပာင္းလဲသြားတာေၾကာင့္ မွန္ကန္တဲ့ေဆးနည္းကို ေဖာ္စပ္ႏိုင္ဖို႔ရန္အတြက္ ဆက္ေလ့လာၾကည့္လိုက္ရေအာင္။
ပ်ားတုပ္ခံရတဲ့အခါ (သို႔) အင္းဆက္ပိုးေကာင္ အကိုက္ခံရတဲ့အခါ
မုန္႔ဖုန္ဆိုဒါနဲ႔ ေရတို႔ပဲ လိုအပ္ပါတယ္။ ထိုပါဝင္ပစၥည္းႏွစ္မ်ိဳးကို သမေအာင္ ေရာေမႊၿပီးေနာက္ ပ်ားတုပ္ခံရတဲ့ေနရာ (သို႔မဟုတ္) အေကာင္ကိုက္ခံရတဲ့ေနရာေပၚမွာ လိမ္းေပးလိုက္ပါ။ ယားယံျခင္းနဲ႔ နာက်င္ျခင္းတို႔ သက္သာေပ်ာက္ကင္းသြားပါလိမ့္မယ္။
ႏႈတ္ခမ္းကြဲျခင္း
Source: grelia.gr
ေရေသာက္နည္းလို႔ပဲျဖစ္ျဖစ္ ရာသီဥတုအေျပာင္းအလဲေၾကာင့္ပဲျဖစ္ျဖစ္ ႏႈတ္ခမ္းကြဲတဲ့အခါ သံလြင္ဆီကိုသာ သတိရလိုက္ပါ။ သံလြင္ဆီကို ႏႈတ္ခမ္းနီ လိမ္းသလိုမ်ိဳး ပြတ္လိုက္ေပးလိုက္ပါ။ ႏႈတ္ခမ္းကို အစိုဓာတ္ျပန္လည္ျဖည့္တင္းေပးႏိုင္ပါတယ္။
ေနာက္တစ္နည္းကေတာ့ ပ်ားဖေယာင္းနဲ႔ သံလြင္ဆီကို ဆတူေရာေႏွာရမွာပဲျဖစ္ပါတယ္။ ေရာေႏွာၿပီးေနာက္မွာ Lip Balms ကဲ့သို႔ အသံုးျပဳေပးႏိုင္ပါၿပီ။
အေအးမိျခင္းေၾကာင့္ ေခ်ာင္းဆိုးျခင္း
အေအးမိ ဖ်ားနာျခင္းရဲ႕ ေနာက္ဆက္တြဲေရာဂါကေတာ့ ေခ်ာင္းဆိုးျခင္းပဲျဖစ္ပါတယ္။ ေခ်ာင္းဆိုးတာကို ရပ္တန္႔ဖို႔ဆိုရင္ ေခ်ာကလက္မဲကို စားသံုးေပးသင့္ပါတယ္။ ၂၀၁၂ ခုႏွစ္ရဲ႕ ေလ့လာေတြ႔႐ွိခ်က္အရ ေခ်ာကလက္မဲထဲမွာပါဝင္တဲ့ ကိုးကိုးမႈန္႔က ဖ်ားနာစဥ္မွာ အာ႐ံုခံနာ့ဗ္ေၾကာမ်ားကို ပိတ္ဆို႔ေပးထားတာေၾကာင့္ ေခ်ာင္းဆိုးျခင္း ဆက္လက္မျဖစ္ေပၚေအာင္ တားဆီးေပးပါတယ္။ သတိထားရမွာကေတာ့ ေခ်ာကလက္မဲတစ္ခုတည္းကသာ ထိုကဲ့သို႔ စြမ္းေဆာင္ေပးႏိုင္တယ္ဆိုတာပါပဲ။ ႏို႔ေခ်ာကလက္ကေတာ့ အစြမ္းထက္မွာမဟုတ္ပါဘူး။
အသားအေရေျခာက္ေသြ႔ျခင္းအတြက္
ပင္လယ္ဆားက အသားအေရေျခာက္ေသြ႔ျခင္းအတြက္ အစြမ္းထက္တဲ့ မီးဖိုေခ်ာင္သံုးပစၥည္းတစ္ခုပဲျဖစ္ပါတယ္။ ပင္လယ္စာ ပန္းကန္လံုးတစ္ခြက္စာကို ဆီ ပန္းကန္လံုးတစ္ဝက္စာခန္႔နဲ႔ေရာၿပီး အသားအေရေျခာက္ေသြ႔ၿပီး အညိဳကြက္ေတြျဖစ္ေနတဲ့ ဒူးေခါင္း၊ တံေတာင္ဆစ္နဲ႔ ေျခဖေနာင့္ေနရာေတြကို ပြတ္တိုက္ေပးလိုက္ပါ။ ဒီနည္းလမ္းကေတာ့ အသားအေရကို ေခ်းခြ်တ္ေပးတဲ့နည္းလမ္းပဲျဖစ္ပါတယ္။ အသံုးျပဳၿပီးတဲ့ေနာက္မွာ အသားအေရ ၾကည္လင္စိုေျပသြားပါလိမ့္မယ္။
Source: selfreliantschool.com
