အားလုံးပဲ မင်္ဂလာပါ။ ဒီတစ်ခါမှာတော့ အဆာပြေမုန့်အနေနဲ့လည်း စားသုံးနိုင်သလို ထမင်းနဲ့အတူတူ တွဲဖက်စားသုံးနိုင်တဲ့ ချိစ်အရသာ အာလူးမီးဖုတ် ပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- အာလူး အလုံးကြီး ၂ လုံး
- သံလွင်ဆီ စစ်စစ် စားပွဲတင်ဇွန်း ၂ ဇွန်း
- Rosemary လက်ဖက်ရည်ဇွန်း ၁ ဇွန်းနှင့် ကြက်သွန်မြိတ် စားပွဲတင်ဇွန်း ၁ ဇွန်း
- ချိစ် ၆ အောင်စခန့် (၂ လက်မပတ်လည် စတုရန်းတုံးလေး တုံးထားလိုက်ပါ)
- ဆားနှင့် ငရုတ်ကောင်းမှုန့်အနည်းငယ်
ပြုလုပ်နည်း အဆင့်ဆင့်
၁။ Oven ကို ၄၂၅ ဒီဂရီဖာရင်ဟိုက်ဖြင့် ကြိုတင်အပူပေးထားလိုက်ပါ။
၂။ အာလူးကို ၈ ပိုင်း ၁ ပိုင်းလက်မအထူခန့် လှီးဖြတ်ထားလိုက်ပါ။ (အာလူးလှီးဖြတ်ရာမှာ အဆုံးထိပြတ်သွားအောင်မလှီးဘဲ တဲတဲလေး ချန်ထားရပါမယ်။)
၃။ ထို့နောက် အာလူးများကို ခဲဖတ်ဖြင့် ပတ်ထားပြီးနောက် Oven ထဲမှာ ၃၅ မိနစ်ခန့် ထည့်ဖုတ်ရပါမယ်။
၄။ အချိန်ပြည့်ပါက Oven ထဲမှထုတ်ပြီး အာလူးများကို သံလွင်ဆီဖြင့် သုတ်လိမ်းပေးလိုက်ပါ။
၅။ ထို့နောက် ခဲဖတ်ဖြင့် မအုပ်ထားတော့ဘဲ နောက်ထပ် ၁၅ မိနစ်၊ ၂၅ မိနစ်ခန့် ထပ်ဖုတ်ပေးရပါမယ်။
၆။ အာလူးများ နူးအိသွားပြီဆိုရင်တော့ Oven ထဲကထုတ်ကာ ဓားဖြင့်လှီးထားသော အာလူးကို ဓားရာပေး၍ အနည်းငယ်ထပ်ဟထားပြီး ချိစ်ပြားများ ညှပ်ထည့်ပေးလိုက်ပါ။
၇။ ထို့နောက် ပါးပါးလှီးထားသော ကြက်သွန်မြိတ်နှင့် Rosemary များကိုလည်း ဖြူးထည့်ပေးလိုက်ပါ။ ကျန်ရှိနေသော သံလွင်ဆီများအားလုံး ကုန်အောင် သုတ်လိမ်းပေးပြီးနောက် ဆားနှင့် ငရုတ်ကောင်းမှုန့်များ ဖြူးထည့်လိုက်ပါ။
၈။ ထို့နောက် Oven ထဲထည့်ကာ ချိစ်များ အရည်ပျော်သွားအောင် (၅ မိနစ်မှ ၁၀ မိနစ်ခန့်) ထပ်ဖုတ်ပေးရပါမယ်။
ချိစ်များ အရည်ပျော်သွားပြီဆိုရင်တော့ အရသာရှိတဲ့ ချိစ် အာလူးမီးဖုတ်လေး ရရှိသွားပါပြီ။ သွားရေစာ အဆာပြေမုန့်အနေနဲ့လည်း စားသုံးနိုင်သလို ထမင်းနဲ့အတူတူ အရသာရှိရှိ တွဲဖက်စားသုံးနိုင်ပါတယ်။
Source: Pickledplum.com
