အားလုံးပဲ မင်္ဂလာပါ။ ဒီတစ်ခါမှာတော့ မြန်မာလူမျိုးတွေရဲ့ ပါးစပ်နဲ့ ကိုက်ညီမယ့် အစားအသောက်တစ်ခုဖြစ်တဲ့ ခရမ်းသီး ဝက်သားအစပ်ချက်ပြုလုပ်နည်းလေးကို ဝေမျှပေးချင်ပါတယ်။
ပါဝင်ပစ္စည်းများ
- နုတ်နုတ်စင်းထားသော ကြက်သား (သို့) ဝက်သား ၂၅၀ ဂရမ်
- ကြက်သွန်ဖြူ ၂ မွှာ (သို့) ၃ မွှာ (ပါးပါးလှီးထားပါ)
- ပါးပါးလှီးထားသော ကြက်သွန်နီ စားပွဲတင်ဇွန်း ၂ ဇွန်း
- နှမ်းဆီ စားပွဲတင်ဇွန်း တစ်ဇွန်း ခွဲခန့်
- ခရမ်းသီး ၃ လုံး
- ပါးပါးလှီးထားသော ကြက်သွန်မြိတ် စားပွဲတင်ဇွန်း ၃ ဇွန်း
- ချင်း အနည်းငယ်
- ပဲငံပြာရည် အကြည် စားပွဲတင်ဇွန်း ၂ ဇွန်း
- ရှာလကာရည် လက်ဖက်ရည်ဇွန်း ၁ ဇွန်း
- သကြားအညို လက်ဖက်ရည်ဇွန်း တစ်ဝက်
ပြုလုပ်နည်းအဆင့်ဆင့်
ဒယ်အိုးကို မီးအပူပေးပြီးနောက် ဆီအနည်းငယ်ထည့်ကာ ကြက်သွန်၊ ချင်းများ ထည့်ကာဆီသတ်လိုက်ပါ။
ထို့နောက် နုတ်နုတ်စင်းထားသော အသားများထည့်ပြီး မွှေပေးလိုက်ပါ။
အသားများ အညိုရောင်ပြောင်းသွားသည့်အခါ ချင်းအနည်းငယ်ထပ်ထည့်ပြီး စက္ကန့် ၃၀ ခန့် ထပ်မွှေပေးလိုက်ပါ။
အနေတော်အတုံး တုံးထားသော ခရမ်းချဉ်သီးများ ထပ်ပြီး စက္ကန့်အနည်းငယ်ထပ်မွှေပေးလိုက်ပါ။
ထို့နောက် ပဲငံပြာရည်၊ ရှာလကာရည်၊ သကြားထည့်ပြီး အနည်းငယ်ကြာမွှေပြီးနောက် အဖုံးဖုံးထားလိုက်ပါ။
၂ မိနစ်ကြာမှာ အဖုံးဖွင့်ပြီး ထပ်မွှေပေးလိုက်ပါ။
နောက်ဆုံးအဆင့်အနေနဲ့ မီးအပူကို အနိမ့်ဆုံးသို့ လျော့ချလိုက်ပါ။
မီးပိတ်ပြီးတဲ့အခါ ကြက်သွန်မြိတ်လေးထည့်ပြီး မွှေပေးလိုက်ပါ။
ဒါဆိုရင်တော့ အရသာရှိတဲ့ ခရမ်းသီး ဝက်သား (သို့) ကြက်သား ဟင်းလျားကောင်းကောင်းလေး ရရှိသွားပါလိမ့်မယ်။
Source: delishar.com
