အသုပ်စပ်စပ်လေးကိုမှ ကြိုက်နှစ်သက်သူများအတွက် ဒီတစ်ခါမှာတော့ ရှူးရှူးရှဲရှဲနဲ့ လျှာလည်သွားစေမယ့် မုန်လာဥသုပ် အရံဟင်း ပြင်ဆင်ချက်ပြုတ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ကိုရီးယားမုန်လာဥ အလုံးကြီး ၁ လုံး (အချောင်းလိုက် ပါးပါးလှီးထားပါ)
- ကြက်သွန်မြိတ် ၂ ပင် (ပါးပါးလှီးထားပါ)
- ငရုတ်သီးမှုန့် စားပွဲတင်ဇွန်း ၂ ဇွန်း
- သကြား စားပွဲတင်ဇွန်း ၃ ပုံ ၂ ပုံ
- ဆန်ဝိုင် လက်ဖက်ရည်ဇွန်း ၁ ဇွန်းခွဲ
- ငါးငံပြာရည် (သို့) ပဲငံပြာရည် လက်ဖက်ရည်ဇွန်း ၁ ဇွန်းခွဲ
- ဆား လက်ဖက်ရည်ဇွန်း ၁ ဇွန်းခွဲ
- နုပ်နုပ်စဉ်းထားသော ကြက်သွန်ဖြူ လက်ဖက်ရည်ဇွန်း ၁ ဇွန်း
ပြုလုပ်နည်း အဆင့်ဆင့်
၁။ မုန်လာဥကို ရေစင်အောင် ဆေးကြောပြီးနောက်မှာ အခွံများကို ပြောင်နေအောင် ခြစ်ထားလိုက်ပါ။
၂။ ရေဆေးပြီး အခွံခွာထားသော မုန်လာဥကို အချောင်းလိုက် ပါးပါးလှီးဖြတ်ထားပါ။
၃။ ထို့နောက် ပန်းကန်လုံးထဲထည့်ပါ။ ငရုတ်သီးမှုန့် စားပွဲတင်ဇွန်း ၂ ဇွန်း၊ သကြား လက်ဖက်ရည်ဇွန်း ၃ ပုံ ၂ ပုံ၊ ဆန်ဝိုင် လက်ဖက်ရည်ဇွန်း ၁ ဇွန်းခွဲ၊ ငါးငံပြာရည် (သို့) ပဲငံပြာရည် လက်ဖက်ရည်ဇွန်း ၁ ဇွန်းခွဲ။ ဆား လက်ဖက်ရည်ဇွန်း ၁ ဇွန်းခွဲနှင့် နုပ်နုပ်စဉ်းထားသော ကြက်သွန်ဖြူ လက်ဖက်ရည်ဇွန်း ၁ ဇွန်းတို့ ပေါင်းထည့်ကာ သမအောင် နယ်လိုက်ပါ။
၄။ အရသာအပေါ့အငန်မြည်းကြည့်ပြီးနောက်မှာတော့ လိုအပ်ပါက ဆား (သို့) သကြား အနည်းငယ် ထပ်ထည့်နိုင်ပါတယ်။
ထိုအဆင့်များအားလုံး ပြီးသွားတဲ့အခါမှာတော့ အရသာရှိတဲ့ မုန်လာဥ အစပ်သုပ် အရံဟင်းလျာတစ်ခွက် ရရှိသွားပါပြီ။
Source: Drivemehungry.com
