အားလုံးပဲ မင်္ဂလာပါ။ လက်ဖက်ရည် ကြိုက်နှစ်သက်သူများအတွက် ဒီတစ်ခါမှာတော့ ထိုင်းစတိုင်လ် လက်ဖက်ရည်အေး ပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ရေ ၃ လီတာ
- ထိုင်း လက်ဖက်ရွက် စားပွဲတင်ဇွန်း ၄ ဇွန်း
- နာနတ်ပွင့် ၁ ပွင့်
- ဖာလာစေ့ ၁ စေ့
- သစ်ကြမ်းပိုးခေါက် ၁ ချောင်း
- နို့ဆီ လက်ဖက်ရည်ဇွန်း ၈ ဇွန်း
- နို့စိမ်း လက်ဖက်ရည်ဇွန်း ၈ ဇွန်း
- သကြား လက်ဖက်ရည်ဇွန်း ၈ ဇွန်း
- ကြက်သွန်ဖြူ ၁ မြွှာ
- ရေခဲတုံး အနည်းငယ်
ပြုလုပ်နည်း အဆင့်ဆင့်
၁။ ဒယ်အိုးထဲသို့ ရေထည့်ပြီး ပွက်ပွက်ဆူလာအောင် တည်ထားလိုက်ပါ။ ပွက်ပွက်ဆူလာပါက လက်ဖက်ရွက်၊ နာနတ်ပွင့်၊ ဖာလာစေ့၊ သစ်ကြမ်းပိုးခေါက်၊ ကြက်သွန်ဖြူ၊ သကြား လက်ဖက်ရည်ဇွန်း ၆ ဇွန်း၊ နို့ဆီ လက်ဖက်ရည်ဇွန်း ၆ ဇွန်းနှင့် နို့စိမ်း လက်ဖက်ရည်ဇွန်း ၆ ဇွန်းတို့ကို ဒယ်အိုးထဲ လောင်းထည့်ပြီးနောက် သမအောင် မွှေပေးလိုက်ပါ။
၂။ ရရှိလာတဲ့ လက်ဖက်ရည်ကို ဖန်ခွက်ထဲ လောင်းထည့်လိုက်ပါ။ ထို့နောက် သကြား လက်ဖက်ရည်ဇွန်း ၂ ဇွန်းနှင့် နို့ဆီ လက်ဖက်ရည်ဇွန်း ၂ ဇွန်းတို့ကို လောင်းထည့်ပြီးနောက် သမအောင် မွှေပေးလိုက်ပါ။
၃။ ရေခဲတုံးများထည့်ကာ ကျန်ရှိနေတဲ့ လက်ဖက်ရည်များ အားလုံးကို လောင်းထည့်လိုက်ပါ။ နို့စိမ်း အနည်းငယ် ထပ်ဆမ်းထည့်ပြီးတဲ့နောက်မှာတော့ အရသာရှိတဲ့ ထိုင်းစတိုင်လ် လက်ဖက်ရည်အေးလေး ရရှိသွားပါပြီ။
Source: Asianfoodnetwork.com
