အားလုံးပဲ မင်္ဂလာပါ။ ဒီတစ်ခါမှာတော့ အာလူးချစ်သူများသာမက သတ်သပ်လွတ်သမားများပါ စိတ်ချလက်ချစားသုံးနိုင်တဲ့ အရသာရှိသော ထိုင်းစတိုင်လ် အာလူးဟင်း ပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ဟင်းသီးဟင်းရွက်ဆီ စားပွဲတင်ဇွန်း ၂ ဇွန်း
- ကြက်သွန်ဖြူ ၂ မြွှာ (ပါးပါးလှီးထားပါ)
- အခွံခွာပြီး ပါးပါးလှီးထားသော ဂျင်း စားပွဲတင်ဇွန်း ၁ ဇွန်း
- အုန်းနို့ ၂၅၀ မီလီလီတာ
- ပဲငံပြာရည်အကြည် စားပွဲတင်ဇွန်း ၂ ဇွန်း
- အာလူး ၈ အောင်စ (အခွံခွာပြီး ၁ လက်မပတ်လည် အတုံး လှီးထားပါ)
- သကြား လက်ဖက်ရည်ဇွန်း ၁ ဇွန်း
- ဆား လက်ဖက်ရည်ဇွန်းတစ်ဝက်
- ကြက်ပြုတ်ရည် ၁၂၅ မီလီလီတာ
- ကြက်သွန်နီ ၈ အောင်စခန့် (ပါးပါးလှီးထားပါ)
ပြုလုပ်နည်း အဆင့်ဆင့်
၁။ အိုးတစ်လုံးကို အလယ်အလယ်မီးအပူချိန်ပေးထားပြီးနောက် ဆီထည့်ပါ။ ကြက်သွန်ဖြူနှင့် ဂျင်းတို့ထည့်ပြီး ၁ မိနစ်ခန့် ဆီသတ်ပေးလိုက်ပါ။
၂။ ကြက်သွန်ဖြူ အနံ့ သင်းသင်းလေးထွက်လာပြီဆိုရင်တော့ အုန်းနို့ထည့်ကာ မွှေပေးလိုက်ပါ။ ထို့နောက် အာလူး၊ ပဲငံပြာရည်၊ သကြား၊ ဆားနှင့် ဟင်းခပ်မှုန့်တို့ထည့်ပြီး သမအောင် မွှေပေးလိုက်ပါ။ ပြီးရင်တော့ ဆူတဲ့အထိ တည်ထားရပါမယ်။
၃။ ဆူပွက်လာပြီဆိုရင်တော့ ကြက်ပြုတ်ရည် လောင်းထည့်ကာ တည်ထားပေးလိုက်ပါ။
၄။ ကြက်ပြုတ်ရည်လည်း ပွက်ပွက်ဆူလာပြီဆိုရင်တော့ ကြက်သွန်နီထည့်ကာ သမအောင် မွှေပေးလိုက်ပါ။ ထို့နောက် အာလူးများ နူးအိသွားဖို့ရန်အတွက် ၁၅ မိနစ်၊ မိနစ် ၂၀ ခန့် ထပ်တည်ထားရပါမယ်။
အာလူးနူးအိသွားပြီဆိုရင်တော့ အရသာအပေါ့အငန်မြည်းစမ်းကြည့်လိုက်ပါ။
ဒါဆိုရင်တော့ အရသာရှိတဲ့ ထိုင်းစတိုင်လ် အာလူးဟင်းလေး ရရှိသွားပါပြီ။ သတ်သပ်လွတ်သမားများလည်း စိတ်ချလက်ချစားသုံးနိုင်တဲ့ ဟင်းလျာတစ်ပွဲပဲဖြစ်ပါတယ်။ ထမင်းနဲ့အတူတူ အရသာရှိရှိသုံးဆောင်လိုက်ပါ။
Source: Pickledplum.com
