အားလုံးပဲ မင်္ဂလာပါ။ ဒီတစ်ခါမှာတော့ ချက်ပြုတ်ရလွယ်ကူပြီး အရသာရှိတဲ့ ဟင်းရည်ပြုလုပ်နည်းကို ဝေမျှပေးချင်ပါတယ်။ ပြုလုပ်နည်းအဆင့်ဆင့်က ရိုးရှင်းပြီး ပြုလုပ်ချိန်လည်း ကြာမှာမဟုတ်တဲ့အတွက်ကြောင့် မီးဖိုချောင်ထဲမှာ အချိန်လုနေရတဲ့ အိမ်ရှင်မတွေအတွက်ကတော့ အဆင်အပြေဆုံးပါပဲ။
ပါဝင်ပစ္စည်းများ
- ဆီ စားပွဲတင်ဇွန်း ၂ ဇွန်း
- ကြက်ပြုတ်ရည် ၂၅၀ မီလီလီတာ
- ရေ ၅၀၀ မီလီလီတာ
- ပဲငံပြာရည်အကြည် လက်ဖက်ရည်ဇွန်း ၂ ဇွန်း
- နှမ်းဆီ လက်ဖက်ရည်ဇွန်းတစ်ဝက်
- ခရမ်းချဉ်သီး ၃ လုံး (အတုံးခပ်ငယ်ငယ် တုံးထားလိုက်ပါ)
- ကြက်ဥ ၁ လုံး (မွှေခလောက်ထားပါ)
- ဆားနှင့် ငရုတ်ကောင်းမှုန့် အနည်းငယ်
- ပြောင်းမှုန့် လက်ဖက်ရည်ဇွန်း တစ်ဇွန်းခွဲ
- ကြက်သွန်မြိတ် ၁ ပင် (ပါးပါးလှီးထားပါ)နှင့် ပါးပါးလှီးထားသော တရုတ်နံနံ စားပွဲတင်ဇွန်း ၂ ဇွန်း
ပြုလုပ်နည်း အဆင့်ဆင့်
၁။ ဒယ်အိုးတစ်လုံးကို အပူပေးပြီး ဆီထည့်ထားပါ။ ဆီပူလာပါက ခရမ်းချဉ်သီးထည့်ကာ ၅ မိနစ်ခန့် ကြော်ပေးလိုက်ပါ။
၂။ ထို့နောက် ကြက်ပြုတ်ရည်၊ ရေ၊ ပဲငံပြာရည်၊ နှမ်းဆီ၊ ငရုတ်ကောင်းမှုန့်နှင့် ဆားတို့ထည့်ကာ ပွက်ပွက်ဆူလာသည်အထိ တည်ထားလိုက်ပါ။
၃။ ဟင်းရည်က ပွက်ပွက်ဆူလာပြီဆိုရင်တော့ ပြောင်းမှုန့်ထည့်ကာ မွှေပေးလိုက်ပါ။ ပြီးမှ မွှေခလောက်ထားသော ကြက်ဥကို အိုးထဲသို့ လောင်းထည့်လိုက်ပါ။
ထို့နောက် အရသာအပေါ့အငန်မြည်းကြည့်လိုက်ပါ။
ထိုအဆင့်များ အားလုံးပြီးသွားတဲ့အခါမှာတော့ အရသာရှိတဲ့ ခရမ်းချဉ်သီး ကြက်ဥဟင်းရည်လေး ရရှိသွားပါပြီ။ ထမင်းနဲ့အတူတူ အရသာရှိရှိသုံးဆောင်နိုင်ပါပြီ။
Source: Asianfoodnetwork.com
