နှစ်သစ်ကူးပွဲနဲ့ မိတ်ဆုံစားပွဲ တွေအတွက် အလွန်သင့်တော်တဲ့ အကင်ပုံစံ လေးပါပဲ ။ ဇကော ၁ခု ရဲ့ ပါဝင်ပစ္စည်းများ ကုန်ကျစရိတ်က ၈သောင်း ဝန်းကျင် ဆိုတော့ မဆိုးပါဘူး။
ပါဝင်ပစ္စည်းများ
- ကြက်မဲ – ၁ကောင်
- ဝက်အူပိတ် ၊ ဝက်အူချို
- ဝက်သုံးထပ်သား ၊ ဝက်နားရွက်
- ဝက်သား ၊ ဝက်လျှာ
- ဝက်နှလုံး ၊အသည်း
- ဆိတ်သား
- ရေချိုပုစွန်ထုပ်
- တီလာဗီးယားငါး
- ကြာဖူး ၊ ပိန်းဥ ၊ အာလူး အသေး
- မှို ၊ ငရုတ်ပွသီး ၊ ခရမ်းချဉ်သီး
- ပြောင်းဖူး
- ဆန်စီး – နို့ဆီဖူး ၂လုံး
- မုန်လာဥနီ – ၁လုံး
ပြုလုပ်ပုံ
- အသားနဲ့ ကလီစာများကို ဂျင်းထောင်းပီး အရည် ညှစ်ထည့်ပါ။
- တရုတ် ငါးမျိုးစပ် မာဆလာ၊ ဆား ၊ သကြား နဲ့ ငရုတ်သီး အစိမ်းမှုန့် တိုနဲ့ ရောနယ်ပါ။ အသားနူး မြန်အောင် မီးတောက် အရက်ပြင်း အနည်းငယ် ဖြင့် ၄နာရီ ခန့် နှပ်ထားပါ။
- နှပ်ဖို့ အချိန်မရ ရင်တော့ အူချို၊အူပိတ် ၊ နားရွက် ၊ နှလုံး နဲ့ ဆိတ်သား ကို ပေါင်းအိုးနဲ့ ၁နာရီ ခန့် ပေါင်းပီး မှ တုတ်ထိုးကင်ပါ။
- အရင်ဆုံး ကင်ရမှာ ကတော့ ကြက်ကောင်လုံးပါ။ ကြက်ကို သံပုံးထဲမှာ အလုံပိတ်ပြီး မီးပျော့ပျော့ နဲ့ နာရီဝက် ခန့်ကင်ပါ။ ကျန်တဲ့ အသားကလီစာ နဲ့ ငါး ပုစွန်တွေ ကိုတော့ မိနစ် ၂၀ ခန့် ကင်ပါ။ အသီးအရွက် ကတော့ ၁၀မိနစ် ဆိုရင်ရပါတယ်။
- နောက်ဆုံးမှာ ဇကော ကို ဖက်ခင်း ပီး ချက်ထားတဲ့ ထမင်းထည့်ပါ။ အပေါ် မှာ ဥနီ ပါးပါး လှီးထားတာ ဖြူးပီး ပုံပါအတိုင်း (သို့မဟုတ်) မိမိ စိတ်ကြိုက် ပြင်ဆင်ပါ။ တွဲဖက်စားရန် ကောင်းတဲ့ အချဉ် ကတော့ ငရုတ်သီး စိမ်း ၊ ဂျင်း ၊ ကြက်သွန်ဖြူရော ထောင်းပီး သံပုရာရည် ၊ သကြား ထည့်ထာ တဲ့ ချဉ်စပ် အချဉ်ပါပဲ။
Credit: Zaw Min Htwe
