သောက်ဆမ်း - Soup Curry | Recipes

မန်ကျည်းရွက် ဆီကျန် ရေကျန်ချက်

March 8, 2016

မန်ကျည်းရွက် ဆီကျန် ရေကျန်ချက်

Share this on:

အားလပ်ရက် စနေနေ့မှာ ချဉ်ပြုံးပြုံးနဲ့ အမူး ၊ အတောက် ၊ အအီ ပြေစေပြီး ဟင်းအတော် များများနဲ့ တွဲဖက် စားလို့ကောင်းတဲ့ မန်းကျည်းရွက် ဆီကျန် ရေကျန်ဟင်းလေးကို ချက်စားကြရအောင်နော် ။

လိုအပ်သောပစ္စည်းများ

  • မန်ကျည်းရွက် အနုလေးများ
  • ပုစွန်ခြောက်မှုန့် - လက်ဖက်ရည်ဇွန်း ၂ ဇွန်း
  • ငရုတ်သီးအရောင်တင်မှုန့် - လက်ဖက်ရည်ဇွန်း ၂ ဇွန်း
  • မြိတ်ငါးပိ - လက်ဖက်ရည်ဇွန်း ၁ ဇွန်းမောက်မောက်
  • ခရမ်းချဉ်သီး အမှည့် - ၂ လုံး
  • ကြက်သွန်အနီ - ၁ ဥ
  • ဗမာကြက်သွန်ဖြူ - ၁၀ မွှာ
  • ယိုးဒယား ငံပြာရည်
  • ဆား
  • မြေပဲဆီ - ထမင်းစားဇွန်း ၂ ဇွန်း

ချက်ပြုတ်နည်း

  1. မန်ကျည်းရွက် အနုလေးများကို ရေသန့်စင်အောင် ဆေးထားပါ ။
  2. ကြက်သွန်ဖြူနီ အထောင်းကို ရွှေဝါရောင်သနိး လာသည် အထိ ဆီသတ်ပါ ။
  3. ကြက်သွန် ဆီသတ် ရလျှင် ငါးပိ ထည့်ပြီး အနံ့ပျောက်သည် အထိ ဆီသတ်ပါ ။
  4. ရေဖျော်ထားတဲ့ အရောင်တင်မှုန့် အနှစ်ကို ဆီသတ်တဲ့ အထဲ ရောထည့်ပါ ။
  5. ခရမ်းချဉ်သီး ပါးပါးလှီး ထားတာကို ဆားထည့်ပြီး ခရမ်းချဉ်သီး အနှစ်ကြေသည်အထိ ကြော်ပေးပါ ။
  6. ဆီသန့် အနှစ်များ ရလာလျှင် ပုစွန်ခြောက်မှုန့် ထည့်ပါ ။ -
  7. မန်ကျည်းရွက် ထည့်ပါ ။
  8. ယိုးဒယား ငံပြာရည် မိမိ လိုသလောက် ထည့်ပါ ။
  9. ရေနွေး အနည်းငယ် ရောပြီး ဆူလာလျင် စားလို့ ရပါပြီ ။
မန်းကျည်းရွက် အနုလေးတွေက အခုလို မိုးရာသီမှ လှိုင်လှိုင် ထွက်တဲ့ ရာသီစာလေးပါ ၊။   ဆီကိုလည်း ကျန်းမာရေးနဲ့ ညီညွတ်အောင် တမင် နည်းနည်း ထည့်ချက် ထားပါတယ် ။   ကျမဝယ်တာ မန်ကျည်းရွက် ၃၀၀ ဖိုးကို ကျွတ်ကျွတ်အိတ်သေး တစ်လုံးနဲ့ အပြည့် အမောက် ရပါတယ် ။ အကုန်အကျလည်း သက်သာ ချက်ရတာလည်း မြန်ဆန် လွယ်ကူတဲ့ဟင်း ဖြစ်တာကြောင့် နေ့စဉ် ထမင်းချိုင့် ထုတ်နေရတဲ့ ရုံးဝန်ထမ်းတွေ အတွက် အဆင်ပြေ လှပါတယ် ။   မန်ကျည်းရွက် ဆီကျန်ရေကျန်ဟင်းကို ကြက်ဥခေါက်ကြော်လေးနဲ့ပဲ စားစား ၊  ဝက်သားနီချက်လေးနဲ့ပဲ စားစား အင်မတန် လိုက်ဖက်ပြီး စားလို့ မြိန်စေပါတယ် ။

Credit: Warr Tee

Review

User Rating

2.6 (11 Votes)