ရိုးရှင်း ပြီး အရသာထူးတဲ့ဟင်းလျှာဖြစ်တဲ့အပြင် အာဟာရတန်ဘိုးလည်းကြီးပါတယ်..ရေချိုပုစွန်ထုပ် ကို မြန်မာ့ရိုးရာဟင်းခတ်အမွှေး အကြိုင်တွေနဲ့ဆီသတ်ပြီး အုန်းနို့အနည်းငယ် နဲ့ချက်ထားတာမို့အနံ့အရသာထူးမှာအသေအချာပါဘဲ..အုန်းနို့ကိုငရုပ်သီးဆီ သတ်ပြီးတာနဲ့ထည့်ချက်ပြီး အုန်းနို့အဆီပြန်တဲ့အထိ ချက်ပြီးမှ ရေချိုပုစွန်ထုပ် ကိုထည့်ချက်တာမို့အိစိမ့်နေအောင်အရသာ တွေ့စေမှာပါ

ပါဝင်ပစ္စည်းများ

  • ရေချိုပုစွန်တုပ် – ၃ ကောင်
  • အုန်းနို့ – ၃ ဇွန်း
  • ချင်း – အနည်းငယ်
  • နံနံပင် – အနည်းငယ်
  • ငရုတ်သီးစိမ်း – အနည်းငယ်
  • ဆလတ်ရွက် – အနည်းငယ်
  • ကြက်သွန်နီ – ၁ လုံး
  • ကြက်သွန်ဖြူ – ၅ တက်
  • ငရုတ်သီးခြောက် – ၃ တောင့်
  • ပဲဆီ – ၃ ဇွန်း
  • ကြက်သားမှုန့် – ၁ ဇွန်း
  • ငါးငံပြာရည် – ၁ ဇွန်း
  • နနွင်းမှုန့် – ၁ ဇွန်း
  • ဆား – ၁ ဇွန်း
  • ငရုတ်တောင်းမှုန့် – အနည်းငယ်
  • ရေသန့် – ၅၀၀ မီလီလီတာ

ပြုလုပ်နည်း

  1. ပုစွန်ထုပ်ကို သန့်စင်ပြီး ကြက်သွန်နီ၊ ကြက်သွန်ဖြူ၊ ချင်း၊ ငရုတ်ပွခြောက်တို့ကို ကျေညက်စွာထောင်းပါ။
  2. အိုးထဲသို့ ဆီ၊ ငရုတ်သီးအနှစ်၊ နနွင်းမှုန့်တို့ဖြင့် ဆီသတ်ပြီး သန့်စင်ထားသော ပုစွန်ထုပ်ကိုထည့်ပါ။
  3. အရသာအတွက် ငါးငံပြာရည်၊ ဆား၊ ငရုတ်ကောင်းမှုန့်၊ နံနံပင်အရိုး၊ ရေသန့်တို့ဖြင့် ရေခမ်းအောင်တည်ပါ။
  4. အပြီးသတ်တွင် နံနံပင်၊ ငရုတ်သီးစိမ်း အနည်းငယ်အုပ်၍ သုံးဆောင်နိုင်ပါသည်။