Recipes | ဟင်းရည် - Soups | ဟင်းသီးဟင်းရွက် - Vegetables

လယ်သမား ဟင်းချို – Farmer Soup (Thai Style)

March 8, 2016

လယ်သမား ဟင်းချို – Farmer Soup (Thai Style)

Share this on:

အိမ်မှာ ဟင်းသီးဟင်းရွက်လေးတွေလည်း စုံစုံလင်လင် ရှိပြန် ရာသီဥတုကလည်း မိုးအေးနေလို့ ပြီးခဲ့တဲ့ အပတ်က လယ်သမား  ဟင်းချိုလေး တစ်ခွက် ချက်စားဖြစ်ပါတယ်ရှင် ။   လယ်သမားဟင်းချို ဆိုတာ တကယ်တော့ ကျေးလက်တောရွာတွေမှာ ယာထဲ ရှိသမျှ ဟင်းသီးဟင်းရွက်တွေ မှိုနတိုတွေနဲ့ ပူပူနွေးနွေး ချက်ပြုတ်စားတဲ့ ဟင်းရည်တစ်ခွက်ပါပဲ ။   သူ့ကို ချက်ဖို့ရာ အဓိက ဘာတွေထည့်ရမယ် ဘာပါရမယ် စသည်ဖြင့် စည်းမျဉ်းတွေ မရှိပါဘူး ။   ရိုးရှင်းပြီး ချက်ရလွယ်ကူတဲ့ လယ်သမား ဟင်းချိုကို ကျေးလက်ဒေသက တောင်သူဦးကြီး မိသားစုတွေ အများအပြား ချက်စားကြပါတယ် ။   အညာဒေသတွေမှာ ချက်စားကြသလို တောင်ပေါ်ဒေသတွေမှာလည်း စားကြပါတယ် ။ ဒေသ အလိုက် ဟင်းချိုထဲ ထည့်ရတဲ့ တန်ဆာပလာ အနည်းငယ် ကွဲပါးပါတယ် ။   အခုနည်းလေးကို ထိုင်းလူမျိုးတွေ စားသုံးတဲ့ နည်းအတိုင်း ချက်ထားပြီး မြန်မာပါးစပ်နဲ့ နည်းစပ်အောင် ပြန်လည် ပြင်ဆင်ထားပါတယ် ။

လိုအပ်သောပစ္စည်းများ

  • ရွှေဖရုံသီးစိတ် - အနည်းငယ်
  • မျှစ်ပြုတ် - အနည်းငယ်
  • မှို - အနည်းငယ်
  • ဆူးပုပ်ရွက် - အနည်းငယ်
  • စမှုန်စပါးရွက် - အနည်းငယ်
  • စပါးလင် - တစ်ချောင်း
  • ပဒဲကော - တစ်တတ်
  • ငရုတ်သီးအလှော်တောင့် - ၅တောင့်ခန့်
  • ငါးပိစိမ်းစား - လက်ဖက်ရည်ဇွန်း ၁ ဇွန်းမောက်မောက်
  • ငရုတ်ကောင်းလှော်စေ့ - ၁၀ စေ့ခန့်
  • ကြက်သွန်ဖြူ - ၁ ဥ
  • ကြက်သွန်နီ - ၁ ဥ
  • ပင်စိမ်းရွက် - ခပ်များများ
  • တောရှောက်ခါးရွက် - အနည်းငယ်

ပြင်ဆင်ချက်ပြုတ်နည်း

  1. ရွှေဖရုံသီး နှင့် မျှစ်ပြုတ်များကို ရေဆေးပြီး ခပ်ပါးပါးလှီးထားပါ ။
  2. အပေါ်မှာပါတဲ့ ဟင်းသီးဟင်းရွက်တွေကို ရေစင်အောင်ဆေးပြီး စစ်ထားပါ ။
  3. ကြက်သွန်ဖြူ နီ ၊ ငရုတ်သီး အလှော်တောင့်များ ၊ ငါးပိ စိမ်းစားတို့ကို ကြေညက်အောင် ရောထောင်းထားပါ ။
  4. ပဒဲကော ၊ စပါးလင် ၊ ငရုတ်ကောင်းစေ့ များကို မွှေးပျံလာသည်အထိ လှော်ပြီး ထောင်းထားပါ ။
  5. အိုး တစ်အိုး ထဲကို ရေခပ် များများ ထည့်ပြီး ဆူပွက် လာသည်အထိ တည်ပါ ။
  6. ရေဆူလာလျှင် ထောင်းထားတဲ့ ကြက်သွန်ဖြူ နီ၊ ငရုတ်လှော် ၊ ငါးပိ အရောကို ထည့်ပါ ။
  7. ငါးပိ အနံ့ ပျောက်လျှင် စပါးလင် ၊ ပဒဲကော ၊ ငရုတ်ကောင်း အရောကိုထည့်ပါ ။
  8. ဆား ၊ ငံပြာရည် ထည့်ပြီး ဆူအောင်တည်ပါ ။
  9. ဆူပွက် လာပြီဆိုလျှင် မှို ၊ ရွှေဖရုံသီး ၊ မျှစ် စတာတွေ ထည့်ပြီး ဆူအောင်တည်ပါ ။
  10. ထပ်မံ ဆူပွက်လာပါက နောက်ဆုံး အဆင့်ဖြစ်တဲ့ ပင်စိမ်းရွက် ၊ ဆူးပုပ်ရွက် ၊ စမုံစပါးရွက် စတဲ့ အစိမ်းရောင် အရွက်များထည့်ပါ ။
  11. အပူ ခဏ ထပ်ပေးပြီး ဟင်းအိုးကို ချလို့ရပါပြီ ။
ဒီဟင်းလေးက ပူပူနွေးနွေးစားမှ ကောင်းတဲ့ ဟင်းတစ်ခွက်ပါ ။  အိမ်မှာ ခဝဲသီးတို့ ၊ ပုဇွန်တို့ ရှိရင်လည်း ထည့်စားလို့ ကောင်းပါတယ်။ စမှုန်စပါး ကလည်း အနံ့ကို မကြိုက်ရင် မထည့်လို့ ရပါတယ် ။   မိမိ စိတ်ကြိုက်ဖြစ်တဲ့ အခြား အစိမ်းရောင် ဟင်းသီး ဟင်းရွက်များလည်း ထည့်လို့ ရပါတယ် ။   ထိုင်းတွေကတော့ ခရမ်းသီး ပါးပါးလှီး ထားတာလည်း ထည့်စားကြပါတယ် ။ အညာဒေသက လယ်သမား ဟင်းချို ချက်နည်းကိုလည်း အလျဉ်းသင့်သလို ရေးပေးသွားပါ့မယ်နော် ။

Credit: Warr Tee

Review

User Rating

3.4 (30 Votes)