တရုတ်စတိုင်လ် အာလူးသုပ် စပ်စပ်လေး

အားလုံးပဲ မင်္ဂလာပါ။ အသုပ်စပ်စပ်တွေကိုမှ ကြိုက်နှစ်သက်ပါတယ်ဆိုတဲ့သူတွေအတွက် ဒီတစ်ခါမှာတော့ တရုတ်စတိုင်လ် အာလူးသုပ် စပ်စပ်လေး ပြုလုပ်နည်းကို ဝေမျှပေးချင်ပါတယ်။

ပါဝင်ပစ္စည်းများ

• အာလူး ၄ လုံး (အခွံခွာပြီး ပါးပါးလှီးထားပါ)
• ကြက်သွန်ဖြူ ၃ မြွှာ (ပါးပါးလှီးထားပါ)
• ကြက်သွန်မြိတ် ၂ ပင် (ပါးပါးလှီးထားပါ)
• ငရုတ်ဆီ စားပွဲတင်ဇွန်း ၂ ဇွန်း
• ပဲငံပြာရည်အကြည် စားပွဲတင်ဇွန်း ၂ ဇွန်း

• နှမ်းဆီ စားပွဲတင်ဇွန်း ၁ ဇွန်းနှင့် နှမ်းစေ့ အနည်းငယ်
• ရှာလကာရည် စားပွဲတင်ဇွန်း ၁ ဇွန်း
• သကြား လက်ဖက်ရည်ဇွန်း တစ်ဝက်
• ဆားအနည်းငယ်
• တရုတ်နံနံ ၄ ပင်ခန့်

ပြုလုပ်နည်း အဆင့်ဆင့်

၁။ ပါးပါးလှီးထားသော အာလူးများကို ရေသန့်သန့်ထဲတွင် ၂ မိနစ်ခန့် စိမ်ထားလိုက်ပါ။

၂။ အိုးထဲသို့ ရေထည့်ပြီးနောက် အပူပေးကာ ရေနွေး ပွက်ပွက်ဆူလာပါက အာလူးများကို ၃ မိနစ်ခန့် ပြုတ်ပေးလိုက်ပါ။ ၃ မိနစ်ပြည့်ပါက အာလူးများကို ဆယ်ယူကာ ပန်းကန်လုံးတစ်လုံးထဲထည့်ထားပါ။

၃။ ဒယ်အိုးတစ်လုံးကို အပူပေးပြီး ဆီ စားပွဲတင်ဇွန်း ၁ ဇွန်းထည့်ကာ ဆီပူလာပါက ကြက်သွန်ဖြူနဲ့ ကြက်သွန်မြိတ်တို့ကို အနံ့မွှေးလာသည်အထိ ဆီသတ်ပေးလိုက်ပါ။ ထို့နောက် ပဲငံပြာရည်၊ ငရုတ်ဆီ၊ ဆား၊ သကြား၊ ရှာလကာရည်၊ နှမ်းဆီနှင့် နှမ်းစေ့များထည့်ပြီး သမအောင် မွှေပေးလိုက်ပါ။