ဒိန်ခဲ ကြက်ဥ ထမင်းဆုပ်လုံး ပြုလုပ်နည်း

မြန်မာလူမျိုးတွေရဲ့ အဓိကအစားအစာကတော့ ထမင်းပဲဖြစ်ပါတယ်။ ထမင်းကြော်၊ ထမင်းပေါင်း စသည်ဖြင့် အမျိုးမျိုး ပြုလုပ်စားသောက်ကြပါတယ်။ ဒီတစ်ခါမှာတော့ ထူးထူးဆန်းဆန်းလေးလည်းဖြစ်အောင် အာဟာရပြည့်ဝတဲ့ထမင်းလည်း ပါဝင်အောင် ပြုလုပ်လို့ရတဲ့ ဟင်းချက်နည်းတစ်မျိုးကို ဝေမျှပေးချင်ပါတယ်။ အဲ့ဒါကတော့ ဒိန်ခဲ ကြက်ဥ ထမင်းဆုပ်လုံးပဲဖြစ်ပါတယ်။

ပါဝင်ပစ္စည်းများ

ပန်းကန်လုံး ၂ လုံးစာ ထမင်း
ပါးပါးလှီးထားသော ဒိန်ခဲ ပန်းကန်လုံး တစ်လုံးစာ

Photo Source: www.mydeliciousmeals.com

လေးထောင့် အတုံးသေး တုံးထားသော ဒိန်ခဲ ၈ တုံး
ကြက်ဥ ၃ လုံး
ပေါင်မုန့်အစအနများ ပန်းကန်လုံး တစ်လုံးစာ

Photo Source: www.bbcgoodfood.com

ဆီ
ဆော့စ်အနည်းငယ်

ပြုလုပ်နည်းအဆင့်ဆင့်

ပန်းကန်လုံးအကြီးတစ်လုံးထဲမှာ ထမင်းထည့်ပြီးနောက် ကြက်ဥတစ်လုံးဖောက်ထည့်လိုက်ပါ။ ထို့နောက် ပါးပါးလှီးထားသော ဒိန်ခဲမှာ ထပ်ထည့်ပြီး လက်ချောင်းများနဲ့ သမအောင်နယ်ပေးလိုက်ပါ။ ပြီးတဲ့အခါ ထမင်းအနည်းငယ်ယူပြီး အလယ်ဗဟိုတည့်တည့်မှာ လေးထောင့်အတုံးသေး ဒိန်ခဲများကို ထည့်ပြီး ထမင်းဆုပ်လုံးလိုက်ပါ။ ဒိန်ခဲက ၈ တုံးဖြစ်တဲ့အတွက် ထမင်းဆုပ်လုံး ၈ တုံးရရှိပါလိမ့်မယ်။

ကျန်တဲ့ ကြက်ဥ ၂ လုံးကို မွှေခလောက်ပြီးနောက် ထမင်းဆုပ်လုံးများကို ကြက်ဥထဲ နှစ်လိုက်ပါ။ ပြီးတဲ့အခါ ပေါင်မုန့်အစအနများထဲသို့ ထမင်းဆုပ်များကို ထပ်ထည့်လိုက်ပါ။