အားလုံးပဲ မင်္ဂလာပါ။ အစားအသောက် အသစ်အဆန်းတွေကို မြည်းစမ်းကြည့်ချင်တဲ့ MyFood Myanmar ရဲ့ Foodies လေးတွေအတွက် ဒီတစ်ခါမှာ ဝေမျှပေးချင်တဲ့ အစားအစာကတော့ ချိစ်အရသာ ဝက်သားလိပ် ငရုတ်ပွဟင်းလျာ ပြုလုပ်နည်းပဲဖြစ်ပါတယ်။
ပါဝင်ပစ္စည်းများ
- ငရုတ်ပွ ၈ တောင့်
- ခရင်မ်ချိစ် ၄ အောင်စခန့်
- ဒိန်ခဲ ၄ အောင်စ (အချောင်းလိုက် ခြစ်ချထားပါ)
- ကြက်သွန်ဖြူမှုန့် လက်ဖက်ရည်ဇွန်း ၄ ပုံ ၁ ပုံ
- ဝက်သားပြား ၈ ပြား
- သွားကြားထိုးတံ ၈ ချောင်း
ပြုလုပ်နည်း အဆင့်ဆင့်
၁။ Oven ကို ၄၀၀ ဒီဂရီဖာရင်ဟိုက်ဖြင့် ကြိုတင်အပူပေးထားပါ။
၂။ ငရုတ်ပွကို အပေါက်ခပ်သေးသေးလေး ဖောက်ထားပြီးနောက် အထဲကအစေ့နှင့် အူတိုင်များကို ဖယ်ထုတ်ထားပါ။
၃။ ပန်းကန်လုံးတစ်လုံးထဲတွင် ခရင်မ်ချိစ်၊ ဒိန်ခဲနှင့် ကြက်သွန်ဖြူမှုန့်တို့ကို သမအောင် ရောနယ်ထားလိုက်ပါ။ ရရှိလာတဲ့ချိစ်အရောအနှောကို ငရုတ်ပွထဲထည့်သိပ်ထားလိုက်ပါ။
၄။ ထို့နောက် ထိုငရုတ်ပွတစ်ခုချင်းစီကို ဝက်သားပြား တစ်ပြားချင်းစီဖြင့် ပတ်ထားပေးလိုက်ပါ။ ထို့နောက် သွားကြားထိုးတံဖြင့် ထိုးထားလိုက်ပါ။
၅။ ထိုဝက်သားလိပ် ငရုတ်ပွကို Oven ထဲထည့်မည့် လင်ဗန်းပေါ်တွင် တင်ထားပြီးနောက် Oven ထဲတွင် ၂၅ မိနစ်၊ မိနစ် ၃၀ ခန့် ထည့်ထားလိုက်ပါ။
အချိန်ပြည့်သွားပါက ဝက်သားပြားက ကြွပ်ရွသွားပြီး ချိစ်နံ့သင်းတဲ့ ဝက်သားလိပ် ငရုတ်ပွလေး ရရှိသွားပါလိမ့်မယ်။
Source: Spicysouthernkitchen.com
