အားလုံးပဲ မင်္ဂလာပါ။ အချိုပွဲကြိုက်နှစ်သက်သူများအတွက် ဒီတစ်ခါမှာတော့ ထောပတ်ကွတ်ကီးပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ကြက်ဥအနှစ် တစ်လုံး
- ဂျုံမှုန့် ၂၅၀ ဂရမ်
- မုန့်ဖုတ်ဆိုဒါ လက်ဖက်ရည်ဇွန်းတစ်ဝက်
- ဆား လက်ဖက်ရည်ဇွန်း ၄ ပုံ ၁ ပုံ
- ထောပတ် ၂၅၀ ဂရမ်နှင့် သကြား ၁၃၀ ဂရမ်
ပြုလုပ်နည်း အဆင့်ဆင့်
၁။ ဂျုံမှုန့်၊ မုန့်ဖုတ်ပေါင်ဒါနှင့် ဆားတို့ကို ပန်းကန်လုံးတစ်လုံးထဲသို့ ဆန်ခါဖြင့် စစ်ချလိုက်ပါ။
၂။ ထောပတ်နှင့် သကြားတို့ကို မွှေစက်ထဲထည့်ကာ ၃ မိနစ်ခန့် ထည့်မွှေပေးလိုက်ပါ။ ကြက်ဥအနှစ်ထည့်ကာ သမအောင် ထပ်မွှေပေးလိုက်ပါ။ ထို့နောက် စောစောက စစ်ချထားသော ဂျုံမှုန့်၊ မုန့်ဖုတ်ဆိုဒါနှင့် သကြားအရောအနှောတို့ကို မွှေစက်ထဲထည့်ကာ သမအောင် ထပ်မွှေပေးလိုက်ပါ။
၃။ ရရှိလာတဲ့ ဂျုံလုံးအကြီးကို အလုံးအကြီးကြီးရအောင် လုံးပေးလိုက်ပါ။ ထိုဂျုံလုံးကို ထက်ခြမ်းခြမ်းပေးလိုက်ပါ။ ဂျုံခြမ်းတစ်ခြမ်းချင်းစီကို ရှည်မျောမျောဂျုံချောင်းလေးရအောင် လှိမ့်ပေးလိုက်ပါ။ ထို့နောက် ပလပ်စတစ်ဖြင့် တစ်နာရီခန့် ပတ်ထားပေးလိုက်ပါ။
၄။ တစ်နာရီပြည့်ပါက ဂျုံချောင်းကို လက်မဝက်ခန့်အထူရအောင် လှီးဖြတ်ပေးလိုက်ပါ။ ထို့နောက် Oven ထဲတွင် ၃၂၅ ဒီဂရီဖာရင်ဟိုက်ဖြင့် ၁၈ မိနစ်ခန့် ထည့်ဖုတ်ပေးလိုက်ပါ။ အချိန်ပြည့်ပါက Oven ထဲကထုတ်ပြီး အအေးခံထားလိုက်ပါ။
၅။ ဒါဆိုရင်တော့ အရသာရှိတဲ့ ထောပတ်ကွတ်ကီးလေးရရှိသွားပါပြီ။
Source: Pinchandswirl.com
