မနက်စာအဖြစ်သုံးဆောင်နိုင်မယ့် ချိစ်ကြက်ဥ ပလာတာပြုလုပ်နည်း

အားလုံးပဲ မင်္ဂလာပါ။ တစ်နေ့တာလုံး စွမ်းအင်ပြည့်ဝစွာနဲ့ သွားလာလှုပ်ရှားနိုင်ဖို့အတွက် မနက်စာ စားသုံးခြင်းက အင်မတန်အရေးကြီးလှပါတယ်။ ဒါ့ကြောင့် ဒီလိုအရေးကြီးလှတဲ့ မနက်စာကို အိပ်ယာထနောက်ကျလို့၊ ရုံးနောက်ကျမှာစိုးလို့ မစားဖြစ်တော့တာမျိုး မဖြစ်ရအောင် ပြုလုပ်ရတာလည်း လွယ်ကူပြီး အချိန်တိုအတွင်းပြင်ဆင်လို့ရမယ့် ချိစ်ကြက်ဥ ပလာတာပြုလုပ်နည်းလေးကို ဝေမျှပေးချင်ပါတယ်။

ပါဝင်ပစ္စည်းများ

Photo Source: www.bbc.com

ဂျုံမုန့်အပြားတစ်ချပ်
ကြက်ဥ ၄ လုံး

အချောင်းလိုက်လှီးထားသော ဒိန်ခဲ ပန်းကန်လုံး လေးပုံတစ်ပုံခန့်
ပါးပါးလှီးထားသော ကြက်သွန်မြိတ် စားပွဲတင်ဇွန်း ၁ ဇွန်း

ပြုလုပ်နည်းအဆင့်ဆင့်

ဂျုံမှုန့်အပြားကို စက်ဝိုင်းပုံသဏ္ဍာန်ညှပ်ထုတ်ထားလိုက်ပါ။

ညှပ်ထုတ်ထားတဲ့ စက်ဝိုင်းပုံဂျုံပြားကို နောက်ထပ် စက်ဝိုင်းအရာလေး ထပ်ပေးလိုက်ပြီး ခက်ရင်းနဲ့ ခပ်ဖွဖွလေးထိုးပေးလိုက်ပါ။ ဒါမှ ဂျုံသားလေးတွေက ဖောင်းဖောင်းလေးနဲ့ အရသာရှိလာမှာပါ။ ပြီးတဲ့အခါ Oven ထဲမှာ အပူချိန် ၄၀၀ ဒီဂရီဖာရင်ဟိုက်နဲ့ ၈ မိနစ်ခန့် ထားထားပါ။

၈ မိနစ် ကြာတဲ့အခါ Oven ထဲက ထုတ်ပြီး ကြက်ဥထည့်လို့ရအောင်လို့ ခုနက စက်ဝိုင်းရာလေးပေးထားတဲ့နေရာကို ဇွန်းလေးနဲ့ဖိချလိုက်ပါ။

ထို့နောက် အချောင်းလိုက်လှီးထားသော ဒိန်ခဲများထည့်လိုက်ပါ။

တစ်ဆက်တည်းမှာပဲ ကြက်ဥတစ်လုံးချင်းစီဖောက်ထည့်လိုက်ပါ။ ပြီးရင် အပေါ်ကနေ ငရုတ်ကောင်းမှုန့်နဲ့ ဆားအနည်းငယ်ဖြူးလိုက်ပါ။ ထို့နောက် Oven ထဲမှာ ၁၂ မိနစ်ခန့် ပြန်ထည့်ထားလိုက်ပါ။