အားလုံးပဲ မင်္ဂလာပါ။ ခေါက်ဆွဲပြုတ် ပူပူနွေးနွေးလေးများကိုသာ ကြိုက်နှစ်သက်ကြသူများအတွက် ဒီတစ်ခါမှာတော့ အာဟာရလည်း ပြည့်ဝပြီး အရသာလည်းရှိတဲ့ အိမ်လုပ် ကြက်သား ခေါက်ဆွဲပြုတ် ပြုလုပ်နည်းလေးကို ဝေမျှပေးချင်ပါတယ်။
ပါဝင်ပစ္စည်းများ
- ကြက်သွန်နီ ၂ ဥ
- ငရုတ်သီးတောင့် ၂ တောင့်
- ၅ စင်တီမီတာပတ်လည် ဂျင်းတုံး တစ်တုံး
- ဟင်းရွက်ဆီ လက်ဖက်ရည်ဇွန်း ၁ ဇွန်း
- စပါးလင် ၂ ပင် (ပါးပါးလှီးပါ)
- ကြက်ရင်အုံသား ၃ တုံး (အနေတော်အတုံး တုံးထားပါ)
- ကြက်ပြုတ်ရည် ၆၀၀ မီလီလီတာ (စားပွဲတင်ဇွန်း ၃၇ ဇွန်း)
- ငါးငံပြာရည် စားပွဲတင်ဇွန်း ၂ ဇွန်း
- သကြားညို စားပွဲတင်ဇွန်း ၁ ဇွန်း
- ဟင်းနုနွယ် လက်တစ်ဆုပ်စာခန့်
- အုန်းနို့ ၂၀၀ မီလီလီတာ (စားပွဲတင်ဇွန်း ၁၂ ဇွန်း)
- သံပုရာသီး ၂ လုံး (အရည်ညှစ်ထားပါ)
- ဆန်ခေါက်ဆွဲ ၂ ထုပ်
ပြုလုပ်နည်း အဆင့်ဆင့်
၁။ ကြက်သွန်နီ၊ ငရုတ်သီးတောင့်နှင့် ဂျင်းတို့ကို ပါးပါးလှီးထားပါ။ ဒယ်အိုးကို အပူပေးပြီးနောက် ဟင်းရွက်ဆီ လက်ဖက်ရည်ဇွန်း ၁ ဇွန်း ထည့်ပါ။ ဆီပူလာပါက ကြက်သွန်နီ၊ ငရုတ်သီးနှင့် ဂျင်းတို့ ထည့်ကာ ၂ မိနစ်ခန့် ဆီသတ်ပါ။
၂။ ထို့နောက် စပါးလင်၊ ကြက်သားတုံးများနှင့် ကြက်ပြုတ်ရည်တို့ထည့်ကာ သမအောင် မွှေပြီးနောက် ပွက်ပွက်ဆူလာသည်အထိ တည်ထားပါ။
၃။ ပွက်ပွက်ဆူလာပါက ငါးငံပြာရည် စားပွဲတင်ဇွန်း ၂ ဇွန်း၊ သကြား စားပွဲတင်ဇွန်း ၁ ဇွန်းတို့ထည့်ကာ ကြက်သားများ နူးအိသွားသည်အထိ (၁၀ မိနစ်ခန့်) တည်ထားပါ။
၄။ ကြက်သားများ ကျက်သွားပြီဆိုရင်တော့ ဟင်းနုနွယ်ရွက်၊ အုန်းနို့ ၂၀၀ မီလီလီတာနှင့် သံပုရာရည်တို့ထည့်ကာ ဟင်းနုနွယ်များ ပျော့သွားသည်အထိ တည်ထားလိုက်ပါ။
၅။ နောက်ဆုံးတစ်ဆင့်အနေနဲ့ ခေါက်ဆွဲများကို ဟင်းရည်ပူပူထဲ ထည့်ကာ သမအောင် မွှေပါ။ ခေါက်ဆွဲများ နူးအိသွားပါက အရသာအပေါ့အငန်မြည်းကြည့်လိုက်ပါ။
ထိုအဆင့်များ အားလုံးပြီးသွားတဲ့အခါမှာတော့ အရသာရှိတဲ့ ကြက်သား ခေါက်ဆွဲပြုတ်လေး ရရှိသွားပါပြီ။ ပန်းကန်လုံး နှစ်လုံးထဲ အညီအမျှ ခွဲထည့်ကာ အရသာရှိရှိ သုံးဆောင်နိုင်ပါပြီ။
Source: Deliciousmagazine.co.uk
