အချိုကြိုက်သူများအတွက် ခရင်မ်ချိစ်ပူတင်းပြုလုပ်နည်း

အချိုကြိုက်တဲ့သူတွေနဲ့ ပူတင်းကြိုက်တဲ့သူတွေအတွက် ဒီတစ်ခါမှာတော့ ခရင်မ်ချိစ်ပူတင်း ပြုလုပ်နည်းကို မျှဝေပေးလိုက်ပါတယ်။ လုပ်ရတာလည်း လွယ်ကူသလောက် စားရတာလည်း အရမ်းအရသာရှိတဲ့အတွက် အားတဲ့အချိန်မှာ မိသားစုနဲ့အတူ လုပ်စားကြည့်သင့်ပါတယ်နော်။

စတင်ပြုလုပ်ဖို့အတွက် အိုးတစ်အိုးကို မီးဖိုပေါ်တင်ပြီး သကြား – ခွက်ရဲ့ လေးပုံ ပုံ တစ်ပုံစာနဲ့ ရေ – စားပွဲတင်ဇွန်း ၁ ဇွန်းစာထည့်ပြီး တည်ထားပါ။

သကြားတွေထည့်ပျော်သွားပြီး အရောင်ကလည်း ရွှေရောင်လေးပြောင်းလာပြီဆိုရင်တော့ မီးဖိုပေါ်ကချပြီး ပြုတ်လို့ရမယ့်၊ အပူဒဏ်ခံနိုင်တဲ့ ဗူးတစ်ခုထဲထည့်ပါ။

Blender ထဲကို ခရင်မ်ချိစ် – ခွက်ရဲ့ လေးပုံ ပုံ သုံးပုံစာထည့်ပါ။ နွားနို့ – တစ်ခွက်ခွဲစာထည့်ပါ။ ပြီးရင်တော့ ခလုတ်နှိပ်ပြီးမွှေပါ။

နောက်ထပ်ပန်းကန်လုံးထဲကို ကြက်ဥ – ၁ လုံးထည့်ပါ။ ပြီးရင် နောက်ထပ် ကြက်ဥ အနှစ်ကြီးပဲ ၄ လုံး ထပ်ထည့်ပါ။ နို့ဆီ – ခွက်တစ်ဝက်စာ၊ ဆား – အနည်းငယ်၊ vanilla essence – လက်ဖက်ရည်ဇွန်း ၁ ဇွန်းထည့်ပြီး ခုနက blender ထဲထည့်မွှေထားတာတွေကို ဇကာနဲ့စစ်ပြီးထည့်ပါ။ အားလုံးထည့်ပြီးရင်တော့ သေချာသမသွားအောင် မွှေတဲ့အတံလေးနဲ့ မွှေပေးပါ။

မွှေပြီးရင် ခရား (သို့) ပန်းကန်ထဲကို ဇကာနဲ့စစ်ပြီး ပြောင်းထည့်ပါ။ အားလုံးပြီးရင်တော့ ပထမဆုံး သကြားရည်ထည့်ထားတဲ့ ဗူးထဲကို လောင်းထည့်လိုက်ရုံပါပဲ။ ထည့်ပြီးရင် အဖုံးပိတ်ပါ။