မိမိအားလပ်ရက်လေးမှာ အရသာရှိတဲ့ အစားအစာများ ချက်ပြုတ်စားသုံးချင်သူများအတွက် ဒီတစ်ခါမှာတော့ အရသာရှိတဲ့ ကြက်တောင်ပံအချိုကြော် ပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ကြက်တောင်ပံ ၁ ပေါင်ခန့်
- ကြက်သွန်မြိတ် ၁ စည်း (ကြက်သွန်မြိတ် ၄ ပုံ ၃ ပုံကို တစ်လက်မအရှည် လှီးဖြတ်ထားပြီး ကျန် ၄ ပုံ ၁ ပုံကိုတော့ ပါးပါးလှီးထားပါ)
- ဂျင်း ၅ ပြား
- ဟင်းသီးဟင်းရွက်ဆီ စားပွဲတင်ဇွန်း ၁ ဇွန်း၊ ပဲငံပြာရည် အနောက်နှင့် ပဲငံပြာရည်အကြည် စားပွဲတင်ဇွန်း ၂ ဇွန်းစီ
- သကြား စားပွဲတင်ဇွန်း ၄ ဇွန်း
ပြုလုပ်နည်း အဆင့်ဆင့်
၁။ အိုးအကြီးတစ်လုံးထဲသို့ ရေအေး တစ်လီတာခန့်ထည့်ပြီးနောက် ကြက်တောင်ပံများထည့်ကာ ပွက်ပွက်ဆူလာအောင် တည်လိုက်ပါ။
၂။ ထို့နောက် ကြက်တောင်ပံများကို ဆယ်ယူပြီးနောက် ရေဖြင့် ထပ်မံဆေးကြော်လိုက်ပါ။ ကြက်ပြုတ်ရည်ကိုတော့ ပြန်လည်အသုံးပြုဖို့ရန်အတွက် ထားထားလိုက်ပါ။
၃။ အိုးတစ်လုံးကို အပူပေးပြီး ကြက်တောင်ပံများထည့်ကြော်လိုက်ပါ။ ပြီးမှ ဟင်းသီးဟင်းရွက်ဆီ၊ ဂျင်းနှင့် ကြက်သွန်မြိတ်တို့ထည့်ပြီး ၅ မိနစ်ခန့် ကြော်ပေးလိုက်ပါ။
၄။ ပဲငံပြာရည်အကြည်နှင့် အနောက်တို့ကိုထည့်ပြီး ၂ မိနစ်ခန့် ဆက်ကြော်ပေးလိုက်ပါ။
၅။ ထို့နောက် ကြက်ပြုတ်ရည်ကို အိုးထဲလောင်းထည့်ပြီး ပွက်ပွက်ဆူလာအောင် တည်ထားလိုက်ပါ။
၆။ ပွက်ပွက်ဆူလာပါက သကြားထည့်ပြီး သကြားများပျော်သွားအောင် မကြာခဏမွှေပေးလိုက်ပါ။
၇။ အိုးထဲက ရေများ ပျစ်သွားသည်အထိ တည်ထားလိုက်ပါ။ ရရှိလာတဲ့ ကြက်တောင်ပံများကို ပန်းကန်ပြားထဲ ပြောင်းထည့်ပြီးနောက် ပါးပါးလှီးထားသော ကြက်သွန်မြိတ်တို့ ဖြူးထည့်လိုက်ပါ။
အရသာရှိတဲ့ ကြက်တောင်ပံအချိုကြော်ကို အအေးနဲ့အရသာရှိရှိ သုံးဆောင်နိုင်ပါပြီ။
Source: Spicetheplate.com
