အားလူချောင်းကြော်ကိုလူကြိုက်များသလို ဒီတစ်ခါမှာတော့ ခရမ်းသီးချောင်းကြော်လေး ကြော်စားရအောင်ပါ။ ခရမ်းသီးကို အချောင်းလိုက်လှီးပြီး ကြွပ်ကြွပ်လေးကြော်စားရအောင်နော်။
ပိတ်ရက်မှာ မိသားစုတွေနဲ့ အတူတူ မျှဝေစားသောက်ရင်း ရင်ထဲက မေတ္တတရားကိုပြသနိုင်ပါတယ်။
ပါဝင်ပစ္စည်း
ခရမ်းသီး ၁ လုံး (သို့) ၂ လုံး (ရေဆေးပြီးအချောင်းလိုက်လှီးပါ)
ဆီ
ဆန်မှုန့် ၁ ခွက်
နနွင်းမှုန့် အနည်းငယ် (မထည့်ချင်လည်းရပါတယ်)
မာဆလာလက်ဖက်ရည်ဇွန်း ၁ဇွန်း
ဆား လက်ဖက်ရည်ဇွန်း ၂ ဇွန်း
ပြုလုပ်နည်း
အချောင်းလိုက်လှီးထားတဲ့ ခရမ်းသီးကို ရေခဲရေနဲ့ ၂ နာရီလောက်စိမ်ထားပါ။
ဆီကို များများထည့်ပြီး မီးအနေတော်နဲ့အပူပေးပါ။
အဲဒီလိုဆီအပူပေးနေတဲ့အချိန်မှာ ဆန်မှုန့်၊ နနွင်းမှုန့်၊ မာဆလာနဲ့ ဆားကို နယ်လိုက်ပါ။
ပြီးရင် ရေစိမ်ထားတဲ့ ခရမ်းသီးချောင်းကို ဆန်မှုန့်နစ်ထဲနစ်လိုက်ပြီး ဆီပူပူထဲမှာထည့်ကြော်ပေးပါ။
၃ မိနစ်လောက်ဆိုရင် ရပါပြီ။ ပြီးရင် ဆီစုပ်တဲ့စက္ကူထဲထည့်ထားပါ။
ပူပူလေးစားသုံးနိုင်ပါပြီနော်။
