အားလုံးပဲ မင်္ဂလာပါ။ ကြက်ဥပြုတ်ကို ပုံစံအသစ်အဆန်း၊ အရသာအသစ်အဆန်း မြည်းစမ်းစားသုံးကြည့်ချင်သူများအတွက် ဒီတစ်ခါမှာတော့ ဝက်သားအစာသွပ် ကြက်ဥပြုတ်လုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ကြက်ဥ ၆ လုံး
- ဝက်သား ၁၅၀ ဂရမ်
- ကြက်သွန်မြိတ် ၁ ပင် (ပါးပါးလှီးထားပါ)
- ဆားနှင့် ငရုတ်ကောင်းမှုန့်အနည်းငယ်
- သံလွင်ဆီ အနည်းငယ်
ပြုလုပ်နည်း အဆင့်ဆင့်
၁။ ဝက်သားကို ပြုတ်ထားပြီး အသားနွှင်ပေးလိုက်ပါ။ ထို့နောက် ဓားဖြင့် နုပ်နုပ်စဉ်းပေးထားလိုက်ပါ။
ဝက်သားကို ပန်းကန်လုံးတစ်လုံးထဲထည့်ပြီးနောက် ငရုတ်ကောင်းမှုန့်၊ ဆားတို့ဖြင့် သမအောင် နယ်ပေးလိုက်ပါ။
၂။ ကြက်ဥများကို ဆားထည့်ထားသော ရေထဲတွင် ၁၀ မိနစ်ခန့် ပြုတ်ပေးလိုက်ပါ။ ထို့နောက် အအေးခံပြီးရင် ကြက်ဥပြုတ်အခွံကို ခွာပေးလိုက်ပါ။ ကြက်ဥကို ထက်ခြမ်း ခြမ်းပြီးနောက် ကြက်ဥအနှစ်ကို ဖယ်ထားလိုက်ပါ။
ထိုကြက်ဥအနှစ်ကိုပန်းကန်လုံးတစ်လုံးထဲထည့်ပြီး ချေထားလိုက်ပါ။
၃။ အဆင့် (၃) အနေနဲ့ နယ်ထားသော ဝက်သားကို အလုံပိတ်အိတ်ထဲထည့်လိုက်ပါ။ ထိုအိတ်ကို တင်းနေအောင် စည်းထားပြီးနောက် အပေါက်သေးတစ်ခု ဖောက်ထားလိုက်ပါ။
၄။ ထို့နောက် ကြက်ဥအကာပေါ်သို့ ထိုဝက်သားအိတ်ကို ညှစ်ချလိုက်ပါ။
ကြက်ဥအကာတစ်ခုချင်းစီပေါ်သို့ ဝက်သားများထည့်ပြီးပါက စောစောက ချေထားသော ကြက်ဥအနှစ်များကို ဖြူးထည့်လိုက်ပါ။ ကြက်သွန်မြိတ်အနည်းငယ်ဖြူးပြီးသွားပြီဆိုရင်တော့ အရသာရှိတဲ့ ဝက်သားအစာသွပ် ကြက်ဥပြုတ်လေး ရရှိသွားပါပြီ။
Source: Garlicandzest.com
