ပါဝင်ပစ္စည်းများ
- ဆတ်သားခြောက် – ၁၀ကျပ်သား
- ခရမ်းချဉ်သီးမှည့် – ၂၅ကျပ်သား
- ငရုတ်သီးအစိမ်းမှုန့် – ထမင်းစားဇွန်း ၂ဇွန်း
- ကြက်သွန်နီအနေတော် – ၂လုံး
- ကြက်သွန်ဖြူ – ၅မွှာ
- ငရုတ်သီးစိမ်း – စားနိုင်သလောက်
- ငါးငံပြာရည် – ထမင်းစားဇွန်း ၁ဇွန်း
- ဆီ – ထမင်းစားဇွန်း ၃ဇွန်း
- ဂျင်းနှင့် ဆား – အနည်းငယ်
- နံနံပင် – ၅ပင်
ပြင်ဆင်ပြုလုပ်နည်း
၁။ ဆတ်သားခြောက်ကို မချက်ခင် တစ်ညသိပ် ရေစိမ်ပါ ။ အနေတော် အတုံးလေးတွေ တုံးပါ ။
၂။ ခရမ်းချဉ်သီးမှည့်တွေကို အစေ့တွေ ဖယ်ထုတ်ပြီး ပါးပါးလှီးပါ ။
၃။ ကြက်သွန်ဖြူ ၊ နီ ၊ ဂျင်း ၊ ငရုတ်သီးအစိမ်းမှုန့်တို့ကို ညက်အောင် ထောင်းပါ ။
၄။ အိုးထဲကို ဆီအနည်းငယ် ထည့်ပြီး ဆူလာလျှင် ကြက်သွန်ထောင်းကို ထည့်ပြီး ဆီသတ်ပါ ။
၅။ လှီးထားသော ခရမ်းချဉ်သီးတွေကို ထည့်ပြီး လုံးပါ ။ အသားတွေ လိပ်ပြီး ဆီပြန်လာသည်အထိ တည်ပါ ။
၆။ ဆတ်သားခြောက်ကို ထည့်လုံးပါ ။ ရေနွေး ထည့်ပြီး အသားနူးအောင် တည်ပါ ။ ငါးငံပြာရည် ၊ ဆား အနည်းငယ် ထည့်ပါ ။
၇။ ငရုတ်သီးစိမ်းကို ထက်ခြမ်း ခြမ်းထည့်ပါ ။ မဆလာထည့်ပါ ။ အရသာအပေါ့အငန် ပြင်ပြီး နံနံပင် ထည့်ပါ ။ အသားနူးပြီဆိုလျှင် ရပါပြီ ။
ဆတ်သားခြောက်ချက်နှင့် တွဲစားမယ့် တို့စရာတွေကို ဆားရည် အရင်စိမ် ၊ ရေစင်စင် ဆေးပြီးမှ စားပါ ။
Credit: KaeKae’s FoodPalace
