အားလုံးပဲ မင်္ဂလာပါ။ မနက်စာပြင်ဆင်ဖို့ အချိန်မပေးနိုင်တဲ့သူတွေအတွက် အချိန်တိုအတွင်း ပြင်ဆင်လို့ရမယ့် တရုတ်စတိုင်လ်ထမင်းကြော်ပြုလုပ်နည်းလေးကို ဝေမျှပေးချင်ပါတယ်။ စားသောက်ဆိုင်ကြီးတွေမှာ စားသောက်ရတဲ့အရသာမျိုးကို ပြင်ဆင်ချက်ပြုတ်နိုင်ဖို့အတွက် ပြင်ဆင်နည်းအဆင့်ဆင့်ကို တစ်ဆင့်ချင်စီသေချာလိုက်လုပ်ဖို့ လိုပါမယ်နော်။
ပါဝင်ပစ္စည်းများ
- စံပယ်ထမင်း (သို့) ရိုးရိုးထမင်းအနည်းငယ်
- ဟင်းရွက်ဆီ စားပွဲတင်ဇွန်း ၂ ဇွန်း
- ပါးပါးလှီးထားသော ကြက်သွန်နီ ပန်းကန်လုံး လေးပုံတစ်ပုံစာ
- ပါးပါးလှီးထားသော ကြက်သွန်ဖြူ စားပွဲတင်ဇွန်း တစ်ဇွန်းစာ
- အတုံးသေးသေးလှီးထားသော မုန်လာဥ ပန်းကန်လုံးတစ်ဝက်စာ
- ကြက်ဥ ၂ လုံး (မွှေခလောက်ထားပါ)
- ပဲလုံးစိမ်း ပန်းကန်လုံး တစ်ဝက်စာ
- ပဲငံပြာရည် စားပွဲတင်ဇွန်း ၁ ဇွန်း
- ဆားအနည်းငယ်
- လှီးဖြတ်ထားသော ကြက်သွန်မြိတ် စားပွဲတင်ဇွန်း ၂ ဇွန်းစာ
ပြုလုပ်နည်း အဆင့်ဆင့်
ကြော်မယ့်အိုးကို အပူပေးပြီးနောက် ဆီ လက်ဖက်ရည်ဇွန်း တစ်ဇွန်း ထည့်ပြီး အပူပေးပါ။ ဆီပူလာပြီဆို ထမင်းထည့်ပြီး စက္ကန့် ၃၀ ခြား တစ်ခါစီမွှေပေးပါ။ ငါးမိနစ်ပြည့်လို့ ထမင်းလေး အညိုရောင်သမ်းလာပြီဆိုရင် ထမင်းတွေကို ဘေးဘက်ကပ်လိုက်ပြီး အလယ်မှာ ရေတွင်းပုံစံလေးဖော်လိုက်ပါ။
ဆီ လက်ဖက်ရည်ဇွန်း ၂ ဇွန်း ထည့်ပါ။ ကြက်သွန်နီ၊ ကြက်သွန်ဖြူ၊ မုန်လာဥနီတို့ကို ရေတွင်းပေါက်ထဲထည့်ပြီး ထမင်းနဲ့ တစ်မိနစ်ခန့် ရောမွှေလိုက်ပါ။
တစ်ဖန် ရေတွင်းပုံစံ ပြန်ဖော်ပြီး မွှေထားတဲ့ကြက်ဥများကို ထည့်ပြီး စက္ကန့် ၃၀ ခန့် စောင့်ပြီးမှ ထမင်းနဲ့ ရောမွှေလိုက်ပါ။ ပဲငံပြာရည်ထည့်ပြီး ထပ်မွှေပါ။
ပဲလုံးစိမ်းများထည့်ပြီး ၂ မိနစ်ခန့် ထပ်မွှေပါ။ ပြီးရင် ဆားနဲ့ငရုတ်ကောင်းအနည်းငယ်ကို လိုသလောက်ထည့်ပြီး အရသာမြည်းကြည့်ပါ။ ပြီးရင် ထမင်းကြော်ကို ပန်းကန်လုံးထဲထည့်ပြီး ကြက်သွန်မြိတ်လေးတွေနဲ့ အလှဆင်ကာ အရသာကောင်းမွန်လှတဲ့ တရုတ်စတိုင်လ်ထမင်းကြော်ကို သုံးဆောင်လို့ရပါပြီနော်။
Source: www.jessicagavin.com
