အားလုံးပဲ မင်္ဂလာပါ။ အသားလုံးကြော် ကြိုက်နှစ်သက်သူများအတွက် ဒီတစ်ခါမှာတော့ ဂဏန်းအသားလုံးကြော်ပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ဂဏန်းသား ၁ ပေါင်ခန့်
- ပေါင်မုန့်အကြေအစ ၂၃၀ ဂရမ်
- ကြက်ဥ ၁ လုံး (မွှေခလောက်ထားပါ)
- မိရောနိစ် ၅၈ ဂရမ်
- သံပုယိုရည် လက်ဖက်ရည်ဇွန်း ၂ ဇွန်း
Source: Foromarket.com
- ကြက်သွန်မြိတ် ၂ ပင် (ပါးပါးလှီးထားပါ)
- ငရုတ်သီးဆော့စ် လက်ဖက်ရည်ဇွန်း ၁ ဇွန်း
- သံလွင်ဆီ စားပွဲတင်ဇွန်း ၁ ဇွန်း
- ထောပတ် စားပွဲတင်ဇွန်း ၁ ဇွန်း
ပြုလုပ်နည်း အဆင့်ဆင့်
၁။ ဂဏန်းသားကို ပန်းကန်လုံးအသေးတစ်လုံးထဲ ထည့်ထားပါ။ အခြားပန်းကန်လုံးတစ်လုံးထဲတွင် ကြက်ဥ၊ မိရောနိစ်၊ သံပုယိုရည်၊ ဆော့စ်နှင့် ကြက်သွန်မြိတ်တို့ကို သမအောင် ရောမွှေထားလိုက်ပါ။ ရရှိလာတဲ့ ကြက်ဥအရောအနှောကို ဂဏန်းပန်းကန်ထဲထည့်ကာ သမအောင် ထပ်မွှေပေးလိုက်ပါ။
၂။ ဂဏန်းအစာများကို ထမင်းစားဇွန်းဖြင့် ခပ်ထုတ်ပြီးနောက် လက်မဝက်အထူရအောင် လုံးပေးလိုက်ပါ။ ထို့နောက် ပေါင်မုန့်အကြေအစများဖြင့် ကပ်ပေးလိုက်ပါ။
၃။ ဒယ်အိုးကို အပူပေးပြီး သံလွင်ဆီနှင့် ထောပတ်တို့ထည့်လိုက်ပါ။ စောစောကလုံးထားသော ဂဏန်းသားလုံးများကို ဒယ်အိုးထဲထည့်ပြီး ၄ မိနစ်၊ ၅ မိနစ်ခန့် ကြော်ပေးလိုက်ပါ။ ဇွန်းအပြားလေးဖြင့် အသာအယာဖိပေးလိုက်ပါ။ ထို့နောက် အခြားတစ်ဖက်သို့ လှန်ပေးလိုက်ပါ။ ရွှေညိုရောင်လေး သမ်းလာသည်အထိကြော်ပေးလိုက်ပါ။
၄။ အခြားအသားလုံးများကုန်သည်အထိ ဆက်ကြော်ပေးလိုက်ပါ။ ဒါဆိုရင်တော့ အရသာရှိတဲ့ ဂဏန်းအသားလုံးကြော်လေး ရရှိသွားပါပြီ။ မိမိနှစ်သက်ရာအချဉ်၊ ဆော့စ်တို့ဖြင့် အရသာရှိရှိတို့စားနိုင်ပါတယ်။
Source: Pinchandswirl.com
