ကြက်ဥပေါင်း ဆင်းဒဝှဒ်ချ်

အားလုံးပဲ မင်္ဂလာပါ။ ဆင်းဒဝှဒ်ချ်ပေါင်မုန့် ကြိုက်နှစ်သက်သူများအတွက် ဒီတစ်ခါမှာတော့ ကြက်ဥပေါင်းကို ပြန်ကြော်ထားပြီး ဆင်းဒဝှဒ်ချ်နဲ့ တွဲဖက်စားသုံးနိုင်မယ့် နည်းလမ်းလေးကို ဝေမျှပေးချင်ပါတယ်။

ပါဝင်ပစ္စည်းများ

ကြက်ဥ ၈ လုံး
ဆား လက်ဖက်ရည်ဇွန်း တစ်ဝက်၊ သကြား လက်ဖက်ရည်ဇွန်း ၄ ပုံ ၁ ပုံ၊ ပဲငံပြာရည် လက်ဖက်ရည်ဇွန်း တစ်ဝက်နှင့် ဟင်းချက်ဝိုင် လက်ဖက်ရည်ဇွန်း တစ်ဝက်
မိရောနိစ် စားပွဲတင်ဇွန်း ၁ ဇွန်းနှင့် ပျားရည် လက်ဖက်ရည်ဇွန်း ၁ ဇွန်း
ဟင်းသီးဟင်းရွက်ဆီ စားပွဲတင်ဇွန်း ၁၆ ဇွန်းနှင့် ဂျုံမှုန့် စားပွဲတင်ဇွန်း ၁ ဇွန်း
ကြက်ဥ ၁ လုံး (မွှေခလောက်ထားပါ)

အကြော်ခံ ပေါင်မုန့်အကြေအစများ စားပွဲတင်ဇွန်း ၈ ဇွန်း
ပေါင်မုန့် ၂ ချပ်

ပြုလုပ်နည်း အဆင့်ဆင့်

၁။ ကြက်ဥ ၈ လုံးကို ပန်းကန်လုံးထဲ ဖောက်ထည့်ပြီးနောက် ဆား၊ သကြား၊ ပဲငံပြာရည်၊ ဟင်းချက်ဝိုင်တို့ထည့်ကာ သမအောင် မွှေခလောက်ထားပါ။

၂။ ဇောက်နက်သော ပန်းကန်လုံးတစ်လုံးထဲတွင် ရေအနည်းငယ် ထည့်ထားပါ။ ထို့နောက် ဆန်ခါဖြင့် စစ်ကာ စောစောက မွှေခလောက်ထားသော ကြက်ဥများ လောင်းထည့်လိုက်ပါ။ ပူစီဖောင်းအမြှုပ်လေးများ ကျန်သေးပါက ခပ်ထုတ်လိုက်ပါ။

၃။ ထို့နောက် ပေါင်းအိုးထဲတွင် ၉ မိနစ်ခန့် ထည့်ပေါင်းပါ။

သတ်မှတ်ချိန်ပြည့်တဲ့အခါမှာတော့ ကြက်ဥပေါင်းကို ပန်းကန်လုံးထဲက ထုတ်ပြီး ရေခဲသေတ္တာထဲတွင် ၅ နာရီ၊ ၆ နာရီခန့် အအေးခံထားလိုက်ပါ။

၄။ ဒယ်အိုးကို အပူပေးပြီး ဆီ ထည့်ပါ။

စောစောက အအေးခံထားသော ကြက်ဥပေါင်းကို ပေါင်မုန့်နှင့် အရွယ်အစားတူအောင်လို့ အနားသားများ လှီးဖြတ်ထားလိုက်ပါ။

၅။ ထို့နောက် ဂျုံမှုန့်ဖြင့် ကပ်ပါ။ မွှေခလောက်ထားသော ကြက်ဥထဲ ထည့်နှစ်လိုက်ပါ။ ထို့နောက် အကြောခံပေါင်မုန့်ဖြင့် ကပ်လိုက်ပါ။ ပြီးရင်တော့ ဆီပူထဲတွင် ရွှေညိုရောင် ပြောင်းသွားသည်အထိ ကြော်ပေးလိုက်ပါ။