ပါဝင်ပစ္စည်း

  • ငါးဖယ် ၂၀သား၊ ခရမ်းချဉ်သီး ၁၀သား
  • ကြက်သွန်ဖြူ ၁ဥ၊ ကြက်သွန်နီ ၂ဥ
  • ငရုပ်သီးအရောင်တင်မှုန့် ၁ဇွန်း (လဖက်ရည်ဇွန်း)
  • ဆနွင်းမှုန့်၊ ဂျင်း၊ ငံပြာရည်၊ ဆား အနည်းငယ်
  • ဆီ ၅ကျပ်သားခန့် (ဟင်းချက်ရန်)၊ ငရုတ်သီးစိမ်း ၅တောင့်၊ နံနံပင်

ပြုလုပ်ပုံ

ဇလုံထဲတွင် ငါးဖယ်၊ ဆနွင်းမှုန့် ၊ ဆား၊ ဂျင်းအရည် တို့ကိုနှံ့အောင် ရောနယ်ပါ။ လက်တွင် ဆီသုတ်ပြီး ငါးဖယ်ကို ၂လက်မခန့် အရှည်လိုက် ပုံစံလုပ်ထားပါ။

ဒယ်အိုးထဲတွင် ဆီထည့်၍ ပူလာလျှင် ငါးဖယ်ထည့်၍ အပေါ်အရေခွံ တင်းရုသာကြော်ပြီး ဆီအိုးထဲမှ ဆယ်ထားပါ။ ထောင်းထားသော ကြက်သွန်ဖြူ၊ ကြက်သွန်နီ၊ ဆနွင်းမှုန်တို့ကို ငါးဖယ်ကြော်ထားသည့် ဆီအနည်းငယ်ကို ယူ၍ ဆီသပ်ပါ။

ဆီသပ်သည့် ကြက်သွန်များအရောင် ပြောင်းစပြုလျှင် သေးသေးလှီးထားသော ခရမ်းချဉ်သီးများကို ထည့်၍ လိပ်နေအောင် ဆီသပ်ပါ။ ပြီးလျှင် အရောင်တင်မှုန့် အနည်းငယ်ကို အရင်ထည့်ပြီး ငံပြာရည်ထည့်ပါ။

ခဏနေလျှင် ရေနွေးခွက်တဝက်ခန့် ထည့်၍ အနှစ်ဖြစ်လာသည်အထိ ချက်ပါ။ ခရမ်းချဉ်သီး အကုန်ကြေ၍ အနှစ်ဖြစ်သွားလျှင် ငရုတ်သီးစိမ်းအတောင့်ကို တပြားရိုက်ထည့်ပြီး ကြော်ထားသည့် ငါးဖယ်ကိုထည့်ပါ။

ပြီးလျှင် အပေါ့အငံ မြည်း၍ နံနံပင်အုပ်ကာ မီးဖိုပေါ်မှ ချလိုက်ပါ။ စားရန်အဆင်သင့် ဖြစ်ပါပြီ။

Credit: MF.WW

Photo Credit: Ko Ko Hnin Maung