BBQ လုပ်စားတဲ့အခါ အသားကင်တွေအပြင် အရံအကင်အဖြစ် အားလူးကင်စားလို့ရတယ်ဆိုရင် Foodies လေးတို့ အကြိုက်တွေ့မယ်လို့ မျှော်လင့်မိပါတယ်။ ဒီတစ်ခါ အိမ်မှာ BBQ လုပ်စားမယ်ဆိုရင် အာလူးကင်ပါ လုပ်စားကြည့်လိုက်ပါ။ လျှာလည်သွားမှာ အသေအချာပါပဲ။
ပါဝင်ပစ္စည်းများ
- အာလူး ၄ လုံး
- သံလွင်ဆီ စားပွဲတင်ဇွန်း ၁ ဇွန်း
- ငရုတ်သီးမှုန့် လက်ဖက်ရည်ဇွန်း တစ်ဇွန်းနဲ့ တစ်ဝက်
- ကြက်သွန်နီမှုန့် လက်ဖက်ရည်ဇွန်း တစ်ဇွန်းနဲ့ တစ်ဝက်
- ကြက်သွန်ဖြူမှုန့် လက်ဖက်ရည်ဇွန်း တစ်ဝက်
- ငရုတ်ကောင်းမှုန့် လက်ဖက်ရည်ဇွန်း တစ်ဝက်
- ဆားအနည်းငယ်
ပြုလုပ်နည်းအဆင့်ဆင့်
ကင်မယ့်မီးဖိုကို အလယ်အလတ်မီးအပူချိန်ဖြင့် အပူပေးထားပါ။
အာလူးကို ရေဆေးပြီးနောက် ခြောက်အောင် သုတ်ထားကာ အဝိုင်းပြား လှီးဖြတ်ထားပါ။
ပန်းကန်လုံးအကြီးထဲသို့ အာလူးထည့်ကာ ဆီ၊ ငရုတ်သီးမှုန့်၊ ကြက်သွန်နီမှုန့်၊ ကြက်သွန်ဖြူမှုန့်၊ ငရုတ်ကောင်းမှုန့်နဲ့ ဆားတို့ထည့်ပြီး သမအောင် နယ်ထားလိုက်ပါ။
ကြိုတင်အပူပေးထားတဲ့ အကင်မီးဖိုပေါ်သို့ အာလူးပြားများ တင်ပြီး ကင်လိုက်ပါ။ အကင်မီးဖိုအဖုံးအုပ်ထားပြီး ၄ မိနစ်ခန့် ကင်လိုက်ပါ။ ၄ မိနစ်ပြည့်တဲ့အခါ အဖုံးဖွင့်လိုက်ပြီးနောက် အာလူးခွံများ တွန့်သွားသည်အထိ ၃ မိနစ်ခန့် ဆက်ကင်လိုက်ပါ။ အာလူးပြားများ မတူးဖို့ရန်အတွက် ဟိုဘက် ဒီဘက် လှန်ပေးဖို့လည်း မမေ့ပါနဲ့။
ကင်ပြီးတဲ့ အာလူးများကို ပန်းကန်ထဲထည့်ပြီး ဆော့စ်အရည်ဆမ်းကာ အရသာရှိရှိသုံးဆောင်နိုင်ပါပြီ။
Source: couponclippingcook.com
