Hot Chocolate ကို အိမ်မှာအလွယ်တကူလုပ်နိုင်မယ့်နည်းလမ်း

Chocolate ချစ်သူတွေအတွက် Hot Chocolate ကို အိမ်မှာ အလွယ်တကူလုပ်နိုင်မယ့်နည်းလမ်းလေး မျှဝေပေးလိုက်ပါတယ်။

အပူဒဏ်ခံနိုင်တဲ့ ပန်းကန်လုံး (သို့) အိုးထဲကို သကြားညို – ၂၀ ဂရမ်ထည့်ပါ။ Cocoa Powder – ၇ ဂရမ်ထည့်ပါ။ ရေ – ၂၅ မီလီလီတာ ထည့်ပါ။ ပြီးရင် ကြက်ဥမွှေတဲ့ဟာနဲ့ မွှေပါ။ အားလုံးပျော်သွားတဲ့အထိမွှေပြီးရင် မီးဖိုပေါ်တင်ပြီး မွှေနေပေးပါ။

အငွေ့ထွက်ပြီးနည်းနည်းပျစ်လာပြီဆိုရင် Dark Chocolate – ၆၀ ဂရမ်ထည့်မွှေပါ။ လုံးဝပျစ်သွားပြီဆိုရင် မီးဖိုပေါ်ကချပြီး နွားနို့အပူ – ၃၅၀ မီလီလီတာ ထည့်မွှေပါ။ ခဏမွှေပြီးရင် မီးဖိုပေါ်တင်ပြီး ဆက်မွှေနေပါ။

နည်းနည်းအငွေ့ထွက်လာပြီဆိုရင် ကိုယ်သောက်မယ့်ပန်းကန်ထဲ ထည့်ပါ။ အပြည့်မထည့်ပဲ လက်နှစ်လုံးစာလောက် ချန်ထားပါ။

နွားနို့အပူနည်းနည်းကို ပျစ်ပျစ်လေးဖြစ်သွားအောင် မွှေပေးပါ။ ပျစ်သွားပြီဆိုရင် Hot Chocolate ထည့်ထားတဲ့ပန်းကန်ထဲကို အပေါ်ယံလေးသေချာတင်ပေးပါ။ Marshmallow လေးတွေပါ အပေါ်ကနေ ထပ်တင်ပေးပါ။ ပြီးရင် Chocolate Sauce လေးဖြူးပေးလိုက်ပါ။