ပိတ်ရက်တွေမှာပဲဖြစ်ဖြစ်၊ အိမ်မှာအပျင်းပြေလုပ်စားလို့ရအောင် ရေခဲချောင်းလုပ်နည်းလေးကို ဖော်ပြပေးလိုက်ပါတယ်။ ဒိန်ချဉ်ရေခဲချောင်းလုပ်ဖို့ လိုအပ်တဲ့ပါဝင်ပစ္စည်းတွေအားလုံးကိုတော့ City Mart တွေမှာ အလွယ်တကူနဲ့ ၀ယ်ယူလို့ရပါတယ်။

စတော်ဘယ်ရီဒိန်ချဉ်နဲ့ Vanilla ဒိန်ချဉ်တို့ပေါင်းစပ်ထားတဲ့ ဒိန်ချဉ်ရေခဲချောင်းလေး စတင်ပြုလုပ်ဖို့အတွက် စတော်ဘယ်ရီဒိန်ချဉ်ကို ပန်းကန်တစ်ခုထဲထည့်ပြီး၊ Vanilla ဒိန်ချဉ်ကိုလည်း နောက်ထပ်ပန်းကန်တစ်ခုထဲထည့်ပါ။ City Mart တွေမှာရောင်းတဲ့ ဒိန်ချဉ်ဘူးလေးတွေကိုဝယ်လုပ်ပေးရမှာပါ။

Source: www.youtube.com

စတော်ဘယ်ရီဒိန်ချဉ်ထည့်ထားတဲ့ ပန်းကန်ထဲကို စတော်ဘယ်ရီသီးတွေခြမ်းပြီးထည့်ကာ မွှေပေးပါ။ Vanilla ဒိန်ချဉ်ထည့်ထားတဲ့ပန်းကန်ထဲကိုတော့ အဖြူရောင်ချောကလက်သေးသေးလေးတွေ ထည့်ပြီးမွှေပေးပါ။

Source: www.youtube.com

နောက်တစ်ဆင့်အနေနဲ့ စတော်ဘယ်ရီဒိန်ချဉ်ဘူးခွံထဲကို စတော်ဘယ်ရီယို တစ်ဇွန်းထည့်ပြီး အပေါ်ကနေ ဝေဖာ (သို့) ဘီစကွတ်လေးတွေကို ချေပြီး တစ်ဇွန်းစာထည့်ပေးပါ။ အပေါ်ကနေမှ Vanilla ဒိန်ချဉ် တစ်ဇွန်းထည့်ပြီး စတော်ဘယ်ရီဒိန်ချဉ် တစ်ဇွန်းထည့်ပါ။ ဘူးမပြည့်မချင်း ဒီလိုပဲအလှည့်ကျစီထည့်ပေးပါ။ ဘူးပြည့်ခါနီးရင်တော့ အပေါ်ကနေ ဝေဖာ (သို့) ဘီစကွတ်လေးတွေကို တစ်ဇွန်းစာထည့်လိုက်ပါ။

Source: www.youtube.com

အားလုံးပြီးသွားတဲ့အခါမှာတော့ သူ့အဖုံးလေးနဲ့ပဲပြန်ပိတ်ပြီး တုတ်ချောင်းလေးစိုက်ပေးပါ။ တုတ်ချောင်းမ၀ယ်ချင်ရင် တူကိုသုံးပေးလည်း ရပါတယ်။ ပြီးရင်တော့ ရေခဲသေတ္တာထဲမှာ အနည်းဆုံး ၂ နာရီကြာအောင် ထည့်ထားပေးရပါမယ်။

Source: www.youtube.com

ရေခဲသေတ္တာထဲကထုတ်တာနဲ့ အဖုံးလေးဖွင့်ပြီး တုတ်ချောင်းလေးကိုဆွဲထုတ်လိုက်တာနဲ့ စတော်ဘယ်ရီ ဒိန်ချဉ်နဲ့ Vanilla ဒိန်ချဉ်တို့ပေါင်းစပ်ထားတဲ့ အရသာရှိတဲ့ရေခဲချောင်းလေးကို ရရှိသွားပါပြီ။

Source: www.youtube.com