ကြက်သားကို ပျားရည်၊ ဆော့စ်၊ နှမ်းနဲ့ အရသာရှိရှိလေးဖြစ်အောင်ကြော်နည်း

ကြက်သားကို ထမင်းဖြူလေးနဲ့စားဖို့အတွက်ပဲဖြစ်ဖြစ်၊ ဒီတိုင်း အအေးလေးသောက်လိုက်၊ ဘီယာလေးသောက်လိုက်၊ ကြက်သားကြော်လေး စားလိုက်နဲ့ လုပ်ချင်ရင်ပဲဖြစ်ဖြစ် ပုံမှန်ထက်ပိုစားကောင်းအောင် ကြက်သားကို ပျားရည်၊ ဆော့စ်၊ နှမ်းနဲ့ အရသာရှိရှိလေး ကြော်စားနိုင်မယ့် နည်းလမ်းကို မျှဝေပေးလိုက်ပါတယ်။

ပန်းကန်လုံးထဲကို ပျားရည် – စားပွဲတင်ဇွန်း ၁ ဇွန်းစာ ထည့်ပါ။ Apple cider vinegar – လက်ဖက်ရည်ဇွန်း ၁ ဇွန်း၊ Ketchup ဆော့စ် – စားပွဲတင်ဇွန်း ၁ ဇွန်းခွဲ၊ Chili ဆော့စ် – စားပွဲတင်ဇွန်း ၁ ဇွန်း၊ နှမ်းဆီ – လက်ဖက်ရည်ဇွန်း ၁ ဇွန်း၊ ထောင်းထားတဲ့ ဂျင်း – လက်ဖက်ရည်ဇွန်း ၁ ဇွန်း၊ ရေ – ၁၂၀ မီလီလီတာတို့ကို သမသွားအောင် ရောမွှေပေးပါ။

သမအောင်မွှေပြီးရင် ပြောင်းကော်မှုန့် – စားပွဲတင်ဇွန်း တစ်ဝက်ကျော်လောက် ထည့်ပြီး ဆား – အနည်းငယ် ထည့်မွှေပါ။

နောက်ထပ်ပန်းကန်ထဲကို ကြက်ဥ – ၁ လုံးဖောက်ထည့်ပြီး ဆား – လက်ဖက်ရည်ဇွန်း ၁ ဇွန်း၊ ဂျင်းအမှုန့် – လက်ဖက်ရည်ဇွန်းတစ်ဝက် ထည့်မွှေပါ။ ရေခဲရေ – ၁၂၀ မီလီလီတာထည့်မွှေပြီး ဂျုံမှုန့် – ၁၁၀ ဂရမ် ထည့်မွှေပါ။

သေချာသမအောင်မွှေပြီးရင် ပြောင်းကော်မှုန့် – ၆၀ ဂရမ် ထည့်မွှေပါ။ Baking powder – လက်ဖက်ရည်ဇွန်း ၁ ဇွန်းခွဲ၊ ဟင်းသီးဟင်းရွက်ဆီ – စားပွဲတင်ဇွန်း ၁ ဇွန်း ထည့်မွှေပါ။

ကြက်သား – ၄၅၀ ဂရမ်ကို တစ်လက်မ အတုံးလေးတွေတုံးပြီး ပန်းကန်ထဲထည့်ပါ။ ဆား – လက်ဖက်ရည်ဇွန်းတစ်ဝက်၊ ကြက်သွန်ဖြူအမှုန့် – အနည်းငယ်၊ ငရုပ်ကောင်းမှုန့် – အနည်းငယ် ထည့်ပြီး သမအောင်နယ်ပါ။