အားလုံးပဲ မင်္ဂလာပါ။ ကြက်ဥကြော်ချည်းပဲ ကြော်စားရတာ ငြီးငွေ့နေပြီဆိုသူများအတွက် ဒီတစ်မှာတော့ ချက်ပြုတ်နည်း အသစ်အဆန်းလေးကို ဝေမျှပေးချင်ပါတယ်။ ဂျပန်စတိုင်လ် ကြက်ဥလိပ်ပြုလုပ်နည်းပဲဖြစ်ပါတယ်။
ပါဝင်ပစ္စည်းများ
- ကြက်ဥ ၁၂ လုံး
- ခရင်မ်နွားနို့ စားပွဲတင်ဇွန်း ၂ ဇွန်း
- ပဲငံပြာရည်အကြည် ၄၀ မီလီလီတာ
- သကြား ၄၀ ဂရမ်
- ရေ ၄၀ မီလီလီတာ
- ဆားအနည်းငယ်
- ဟင်းသီးဟင်းရွက်ဆီ စားပွဲတင်ဇွန်း ၄ ဇွန်း
ပြုလုပ်နည်း အဆင့်ဆင့်
၁။ ပန်းကန်လုံးတစ်လုံးထဲမှာ ခရင်မ်နွားနို့ စားပွဲတင်ဇွန်း ၂ ဇွန်း၊ ပဲငံပြာရည်အကြည်၊ သကြားနှင့် ရေ ၄၀ မီလီလီတာတို့ကို သမအောင် ရောမွှေပေးလိုက်ပါ။ ထို့နောက် ကြက်ဥ ၁၂ လုံးကို ဖောက်ထည့်ပြီး ခပ်ပြင်းပြင်းလေး မွှေခလောက်ပေးလိုက်ပါ။
၂။ ဒယ်အိုးကို အပူပေးပြီး ဟင်းသီးဟင်းရွက်ဆီ စားပွဲတင်ဇွန်း ၂ ဇွန်းထည့်လိုက်ပါ။ ဆီပူလာပါက ကြက်ဥများ ထည့်ကြော်ပေးလိုက်ပါ။
ကြက်ဥမကျက်တကျက်အချိန်မှာ ကြက်ဥအစွန်းတစ်ဖက်မှနေပြီး တစ်လိပ်ချင်းစီ ဖြည်းဖြည်းချင်းလိပ်ပေးလိုက်ပါ။
၃။ သုံးလိပ်၊ လေးလိပ်ခန့် လိပ်ပြီးသွားတဲ့အခါမှာတော့ မီးဖိုပေါ်မှာ ၁ မိနစ်ခန့် ထပ်ကြော်ပေးရပါမယ်။
ရရှိလာတဲ့ ကြက်ဥလိပ်ကို အညီအမျှ လှီးဖြတ်ထားလိုက်ပါ။
ဒါဆိုရင်တော့ အရသာရှိတဲ့ ဂျပန်စတိုင်လ် ကြက်ဥလိပ်လေး ရရှိသွားပါပြီ။
Source: Asianfoodchannel.com
