ဂျပန်စတိုင်လ် အမဲသားလွှာ အာလူးဟင်း

အားလုံးပဲ မင်္ဂလာပါ။ ဒီတစ်ခါမှာ ဝေမျှပေးချင်တဲ့ ဟင်းလျာလေးကတော့ ဂျပန်စတိုင်လ် ချက်နည်းနဲ့ ချက်ပြုတ်ထားတဲ့ အမဲသားလွှာ အာလူးဟင်းပဲဖြစ်ပါတယ်။

ပါဝင်ပစ္စည်းများ

အာလူး ၂ လုံး
ကြက်သွန်နီ တစ်ခြမ်း
မုန်လာဥနီ တစ်လုံးရဲ့ ၃ ပုံ ၁ ပုံ
ပဲသီး (သို့) ပဲတောင့်ရှည် ၃ တောင့်
အမဲသားလွှာ ၁၀၀ ဂရမ်

ပဲငံပြာရည် စားပွဲတင်ဇွန်း ၂ ဇွန်း
သကြား စားပွဲတင်ဇွန်း ၁ ဇွန်း

ပြုလုပ်နည်း အဆင့်ဆင့်

၁။ အာလူးများကို အခွံခွာပြီး ရေဆေးပါ။ ထို့နောက် ခပ်ကြီးကြီး တုံးထားပါ။ ကြက်သွန်နီများကို ပါးပါးလှီးထားပါ။ မုန်လာဥနီကို အတုံးသေးသေး တုံးထားပါ။ ပဲသီးကို ၂ လက်မအရှည်ခန့် လှီးဖြတ်ထားပါ။

၂။ ထို့နောက် အိုးတစ်လုံးထဲသို့ အာလူး၊ ကြက်သွန်နီနှင့် မုန်လာဥနီတို့ထည့်ပါ။ ထို့နောက် အမဲသားလွှာကို အပေါ်ကနေ အုပ်ပေးလိုက်ပါ။

၃။ ထို့နောက် ရေအနည်းငယ်ကို ထိုပါဝင်ပစ္စည်းများအားလုံး မြှုပ်သွားသည်အထိ ထည့်ပါ။

၄။ ပဲငံပြာရည် စားပွဲတင်ဇွန်း ၂ ဇွန်း၊ သကြား စားပွဲတင်ဇွန်း ၁ ဇွန်းထည့်ကာ သမအောင် မွှေပြီးနောက် မီးပြင်းပြင်းဖြင့် ဆူပွက်လာသည်အထိ တည်ပါ။

ပွက်ပွက်ဆူလာသည်နှင့်အမျှ အမြှုပ်အဖတ်လေးများ အပေါ်သို့ ဝေ့တက်လာတာကို မြင်တွေ့ရပါလိမ့်မယ်။ ထိုအဖတ်များကို ခပ်ထုတ်ပါ။ ထို့နောက် ဟင်းရည်များ ခမ်းသွားသည်အထိ တည်ပေးရပါမယ်။