ထမင်းမိန်မိန် စားကောင်းမယ့် အသုပ်လေး တစ်မျိုးနဲ့ မိတ်ဆက်ပေးပါရစေ….
ပါဝင်ပစ္စည်းများ
တောရှောက်သီး တစ်ခြမ်း (ရှောက်သီး အမွှာ ခွာပြီး အသားများ ဖယ်ထုပ်ထားပါ)
ပဲပုတ်စေ့ ၃ ဇွန်း စားပွဲဇွန်း
ဂေါ်ဖီ ၂ ရွက် (ပါးပါးလှီးထားပါ)
ပြုတ်ထားသောကြက်သားရင်ဖုန် ၁ ခြမ်း (အမျင်လေးတွေ နွင်ထားပါ)
ငရုတ်သီးစိမ်း ၅ တောင့် (အစေ့ထုပ်ပြီး အနေတော် လှီးထားပါ)
ကာနိုလာဆီ ၂ ဇွန်း ခွဲ စားပွဲဇွန်း
ဆား လိုသလောက်
ပဲအကျက်မှုန့် ၁ ဇွန်း ခွဲ လက်ဖက်ဇွန်း
နံနံပင် ၃ ပင် (အရွက်ပဲ ချွေယူထားပါ)
ပြုလုပ်နည်း
ဒယ်အိုး ထဲ ဆီ ထည့်ပြီး ပဲပုတ်စေ့များ ကို မီးမျင်မျင် လေးဖြင့် အိုးကင်းပူတိုက်ပါ။ ပဲပုတ်စေ့ များ ရနံ့ မွှေးလာလျင်ရပါပြီး။ အရမ်းအကြာကြီး မတည်ပါနဲ့ ပဲပုတ်စေ့များ မာပြီး တူးသွားလျင် ခါးပြီး အသုပ် အရသာပျက်သွားပါလိမ့်မယ်။ ပြီးလျင် အအေးခံထားပါ။
ဖန်ဇလုံ အကြီးထဲ ပါဝင်ပစ္စည်းများ အားလုံး ထည့်ပြီး ဆီဖြင့်လှော်ထားသော ပဲပုတ် ကို လိုသလောက်လောင်းထည့်ပြီး လက်ဖြင့် အသေအချော နှံ့အောင် နယ်ပါ။ ဆားမြည်းပါ လိုတာထပ်ဖြည့်နိုင်ပါသည်။ ချက်ချင်း သုံးဆောင်ပါ။
