(Unicode)

ကြက်ကင်စားချင်ပေမယ့် အကင်မီးဖိုမရှိလို့ စိတ်ညစ်နေပါသလား။ အကင်မီးဖိုမရှိပေမယ့်လည်း ဒယ်အိုးတစ်လုံးနဲ့ Oven တစ်ခုရှိရုံနဲ့တင် အရသာရှိတဲ့ ကိုရီးယားစတိုင်လ် ကြက်တောင်ပံကင် လုပ်စားလို့ရပါတယ်။

ပါဝင်ပစ္စည်းများ

  • တစ်လက်မပတ်လည် ဂျင်းတုံးတစ်တုံး (နုပ်နုပ်စဉ်းထားပါ)
  • နှမ်းဆီ လက်ဖက်ရည်ဇွန်း ၂ ဇွန်း
  • ပဲငံပြာရည် စားပွဲတင်ဇွန်း ၆ ဇွန်း
  • သကြား စားပွဲတင်ဇွန်း ၃ ဇွန်း
  • ပျားရည် စားပွဲတင်ဇွန်း ၃ ဇွန်း

  • ကြက်တောင်ပံ ၂ ပေါင်
  • ငရုတ်နှစ် စားပွဲတင်ဇွန်း ၁ ဇွန်း
  • ကြက်သွန်နီ တစ်ခြမ်း (နုပ်နုပ်စဉ်းထားပါ)
  • ကြက်သွန်ဖြူ ၅ မြွှာ (နုပ်နုပ်စဉ်းထားပါ)

ပြုလုပ်နည်း အဆင့်ဆင့်

၁။ ပန်းကန်လုံးတစ်လုံးထဲတွင် ကြက်တောင်ပံမှလွဲ၍ အခြားသောပါဝင်ပစ္စည်းများဖြစ်ကြတဲ့ ဂျင်း၊ နှမ်းဆီ၊ ပဲငံပြာရည်၊ သကြား၊ ပျားရည်၊ ကြက်သွန်ဖြူ၊ ကြက်သွန်နီနှင့် ငရုတ်နှစ်များကို သမအောင် ရောမွှေထားလိုက်ပါ။

၂။ ရရှိလာသော ဆော့စ်ကို ကြက်တောင်ပံများနှင့် ရောနယ်ပေးလိုက်ပါ။ အသားထဲသို့ စိမ့်ဝင်သွားဖို့ရန်အတွက် အနည်းဆုံးတစ်နာရီခန့် စိမ်ထားရပါမယ်။

၃။ Oven ကို ၄၀၀ ဒီဂရီဖာရင်ဟိုက်ဖြင့် ကြိုတင်အပူပေးထားပါ။ ဒယ်အိုးတစ်လုံးကို အပူပေးထားပြီးနောက် ကြက်သားတုံးများ အညိုရောင် ပြောင်းလာသည်အထိ ကြော်ပေးလိုက်ပါ။ (ဆီထည့်စရာမလိုပါဘူး)

၄။ ထို့နောက် ကြက်သားကြော်များကို လင်ဗန်းထဲထည့်ပြီးနောက် စောစောက ဆော့စ်များကို ကြက်သာတုံးပေါ်မှာ ထပ်လောင်းထည့်ပေးလိုက်ပါ။

၅။ ပြီးရင်တော့ ထိုလင်ဗန်းကို Oven ထဲထည့်ပြီး မိနစ် ၄၀၊ မိနစ် ၅၀ ခန့် ကင်ပေးလိုက်ပါ။ ထိုကင်နေချိန်အတောအတွင်းမှာလည်း ကြက်ကင်များကို တစ်ခေါက်စီ လှန်ပေးဖို့ လိုအပ်ပါလိမ့်မယ်။ လိုအပ်ပါကလည်း အချဉ်ဆော့စ် ထပ်ဖော်စပ်နိုင်ပါသေးတယ်။

မိနစ် ၄၀ ပြည့်သွားတဲ့အခါမှာတော့ အရသာရှိတဲ့ ကိုရီးယားစတိုင်လ် ကြက်တောင်ပံကင် ရရှိသွားပါပြီ။

Source: Thespruceeats.com

(Zawgyi)

ၾကက္ကင္စားခ်င္ေပမယ့္ အကင္မီးဖိုမရွိလို႔ စိတ္ညစ္ေနပါသလား။ အကင္မီးဖိုမရွိေပမယ့္လည္း ဒယ္အိုးတစ္လံုးနဲ႔ Oven တစ္ခုရွိရံုနဲ႔တင္ အရသာရွိတဲ့ ကိုရီးယားစတိုင္လ္ ၾကက္ေတာင္ပံကင္ လုပ္စားလို႔ရပါတယ္။

ပါဝင္ပစၥည္းမ်ား

  • တစ္လက္မပတ္လည္ ဂ်င္းတံုးတစ္တံုး (ႏုပ္ႏုပ္စဥ္းထားပါ)
  • ႏွမ္းဆီ လက္ဖက္ရည္ဇြန္း ၂ ဇြန္း
  • ပဲငံျပာရည္ စားပြဲတင္ဇြန္း ၆ ဇြန္း
  • သၾကား စားပြဲတင္ဇြန္း ၃ ဇြန္း
  • ပ်ားရည္ စားပြဲတင္ဇြန္း ၃ ဇြန္း

  • ၾကက္ေတာင္ပံ ၂ ေပါင္
  • ငရုတ္ႏွစ္ စားပြဲတင္ဇြန္း ၁ ဇြန္း
  • ၾကက္သြန္နီ တစ္ျခမ္း (ႏုပ္ႏုပ္စဥ္းထားပါ)
  • ၾကက္သြန္ျဖဴ ၅ ျမႊာ (ႏုပ္ႏုပ္စဥ္းထားပါ)

ျပဳလုပ္နည္း အဆင့္ဆင့္

၁။ ပန္းကန္လံုးတစ္လံုးထဲတြင္ ၾကက္ေတာင္ပံမွလြဲ၍ အျခားေသာပါဝင္ပစၥည္းမ်ားျဖစ္ၾကတဲ့ ဂ်င္း၊ ႏွမ္းဆီ၊ ပဲငံျပာရည္၊ သၾကား၊ ပ်ားရည္၊ ၾကက္သြန္ျဖဴ၊ ၾကက္သြန္နီႏွင့္ ငရုတ္ႏွစ္မ်ားကို သမေအာင္ ေရာေမႊထားလိုက္ပါ။

၂။ ရရွိလာေသာ ေဆာ့စ္ကို ၾကက္ေတာင္ပံမ်ားႏွင့္ ေရာနယ္ေပးလိုက္ပါ။ အသားထဲသို႔ စိမ့္ဝင္သြားဖို႔ရန္အတြက္ အနည္းဆံုးတစ္နာရီခန္႔ စိမ္ထားရပါမယ္။

၃။ Oven ကို ၄၀၀ ဒီဂရီဖာရင္ဟိုက္ျဖင့္ ႀကိဳတင္အပူေပးထားပါ။ ဒယ္အိုးတစ္လံုးကို အပူေပးထားၿပီးေနာက္ ၾကက္သားတံုးမ်ား အညိဳေရာင္ ေျပာင္းလာသည္အထိ ေၾကာ္ေပးလိုက္ပါ။ (ဆီထည့္စရာမလိုပါဘူး)

၄။ ထို႔ေနာက္ ၾကက္သားေၾကာ္မ်ားကို လင္ဗန္းထဲထည့္ၿပီးေနာက္ ေစာေစာက ေဆာ့စ္မ်ားကို ၾကက္သာတံုးေပၚမွာ ထပ္ေလာင္းထည့္ေပးလိုက္ပါ။

၅။ ၿပီးရင္ေတာ့ ထိုလင္ဗန္းကို Oven ထဲထည့္ၿပီး မိနစ္ ၄၀၊ မိနစ္ ၅၀ ခန္႔ ကင္ေပးလိုက္ပါ။ ထိုကင္ေနခ်ိန္အေတာအတြင္းမွာလည္း ၾကက္ကင္မ်ားကို တစ္ေခါက္စီ လွန္ေပးဖို႔ လိုအပ္ပါလိမ့္မယ္။ လိုအပ္ပါကလည္း အခ်ဥ္ေဆာ့စ္ ထပ္ေဖာ္စပ္ႏိုင္ပါေသးတယ္။

မိနစ္ ၄၀ ျပည့္သြားတဲ့အခါမွာေတာ့ အရသာရွိတဲ့ ကိုရီးယားစတိုင္လ္ ၾကက္ေတာင္ပံကင္ ရရွိသြားပါၿပီ။

Source: Thespruceeats.com