ကိုရီးယားချစ်ပရိတ်သတ်များ အားလုံးပဲမင်္ဂလာပါ။ ဒီတစ်ခါမှာတော့ ကိုရီးယားစတိုင်ဆလပ်ရွက်သုပ်လေးကို တင်ဆက်ပေးချင်ပါတယ်။ အသီးအရွက်ကိုမှ ကြိုက်နှစ်သက်သူတွေအတွက် ဒီအသုပ်လေးက စားလို့ခံတွင်းမြိန်မှာပါ။
ပါဝင်ပစ္စည်းများ
ဆလပ်ရွက် ၊ မုန်လာဥနီ
ဟင်းအနှစ် – ပဲငံပြာရည် ၂ဇွန်း၊ ငရုတ်သီးမှုန့်၂ဇွန်း၊ ဆီးသီးအနှစ်အဆီရည် ၂ဇွန်း၊ ရှာလကာရည် ၁ဇွန်း၊ ကြက်သွန်နီတောက်တောက်စင်း ဇွန်းတဝက်၊ နှမ်းဆီမွှေး ၁ဇွန်း၊ နှမ်း အနည်းငယ်
ဟင်းသီးဟင်းရွက် ပါဝင်ပစ္စည်းများ ဖြစ်တဲ့ ဆလပ်ရွက်နှင့် မုန်လာဥနီကို အသင့် ပြင်ထားပါ။
ပဲငံပြာရည် ၂ဇွန်း၊ ငရုတ်သီးမှုန့် ၂ဇွန်း၊ ဆီးသီးအနှစ်အဆီရည် ၂ဇွန်း၊ ရှာလကာရည် ၁ဇွန်း၊ ကြက်သွန်နီတောက်တောက်စင်း ဇွန်းတဝက်၊ နှမ်းဆီမွှေး ၁ဇွန်း၊ နှမ်း အနည်းငယ်ကို ထည့်ပြီး ဟင်းအနှစ်ကို ပြင်ပေးပါ။
ဆလပ်ရွက်နှင့် မုန်လာဥနီကို ကောင်းကောင်းလှီးပေးပြီးနောက် ပန်းကန်လုံးထဲတွင်ထည့်ပေးပါ။
အသင့်ပြင်ထားသည့် ဟင်းအနှစ်ကို သေချာ သမအောင် မွှေပြီး ပြင်ဆင်ပေးပါ။
ဆလပ်ရွက်နှင့် မုန်လာဥနီတို့ ထည့်ထားသည့် ပန်းကန်ထဲတွင် ဟင်းအနှစ်ကို ထည့်ပေးပါ။
ဆလပ်ရွက်၊ မုန်လာဥနီနှင့် အနှစ်များကို သေချာ ရောမွှေပေးပါ။
ပန်းကန်ထဲတွင် ထည့်ပေးပြီးပါက အရသာရှိသော ဆလပ်ရွက်သုပ်ကို စားသုံးနိုင်ပြီ ဖြစ်ပါတယ်။
