သံပုရာသီးရနံ့ ဘလူးဘယ်ရီကိတ်

ကိတ်မုန့်သား နူးနူးညံညံ့လေးနဲ့ စားလို့ကောင်းတဲ့ သံပုရာသီးရနံ့ ဘလူးဘယ်ရီကိတ် ပြုလုပ်နည်းကို ကိတ်မုန့်ဖုတ်ရတာ ဝါသနာပါသူများအတွက် ဝေမျှပေးလိုက်ပါတယ်။

ပါဝင်ပစ္စည်းများ

နွားနို့ စားပွဲတင်ဇွန်း ၈ ဇွန်း
သံပုရာသီး ၂ လုံး
ဂျုံမှုန့် ၂၄၀ ဂရမ်နှင့် လက်ဖက်ရည်ဇွန်း ၁ ဇွန်း
မုန့်ဖုတ်ဆိုဒါ လက်ဖက်ရည်ဇွန်း ၄ ပုံ ၁ ပုံ
ဆား လက်ဖက်ရည်ဇွန်း ၄ ပုံ ၁ ပုံ

ဘလူးဘယ်ရီသီး ၁၀၀ ဂရမ်
ထောပတ် ၁ ခဲ (၁၁၃ ဂရမ်)
သကြား စားပွဲတင်ဇွန်း ၁၆ ဇွန်း
ကြက်ဥ ၂ လုံး

ပြုလုပ်နည်း အဆင့်ဆင့်

၁။ သံပုရာသီး အခွံကို ခြစ်ပြားဖြင့် ခြစ်ပါ (သို့) ဓားဖြင့် မွှန်းပါ။ ကျန်ရှိနေသော သံပုရာသီးကိုတော့ အရည်ညှစ်ထားပါ။

၂။ ပန်းကန်လုံးတစ်လုံးထဲတွင် နွားနို့၊ သံပုရာခွံနှင့် သံပုရာရည် စားပွဲတင်ဇွန်း ၂ ဇွန်းတို့ကို သမအောင် ရောမွှေပြီးနောက် ၁၀ မိနစ်ခန့် နှပ်ထားပါ။

၃။ ထိုကဲ့သို့ နှပ်ထားချိန်တွင် ပန်းကန်လုံးအကြီးတစ်လုံးထဲ၌ ဂျုံမှုန့် ၂၄၀ ဂရမ်၊ မုန့်ဖုတ်ဆိုဒါနှင့် ဆားတို့ကို သမအောင် ရောမွှေထားပါ။

ကျန်ရှိနေသော ဂျုံမှုန့် လက်ဖက်ရည်ဇွန်း ၁ ဇွန်းကို ဘလူးဘယ်ရီသီးပေါ်တွင် ဖြူးပြီးနောက် အနည်းငယ် လှုပ်ခါပေးလိုက်ပါ။

၄။ အခြားပန်းကန်လုံးထဲတွင် သကြားနှင့် ထောပတ်တို့ကို လျှပ်စစ်မွှေစက်ဖြင့် ၂ မိနစ်၊ ၃ မိနစ်ခန့် မွှေလိုက်ပါ။

ထို့နောက် ကြက်ဥ ၁ လုံး ဖောက်ထည့်ကာ ထပ်မွှေပါ။ တစ်ဖန် ကျန်ကြက်ဥ ၁ လုံးထည့်ကာ ထပ်မွှေလိုက်ပါ။

၅။ နောက်တစ်ဆင့်အနေနဲ့ ဂျုံမှုန့်အရောအနှော ၃ ပုံ ၁ ပုံခန့် လောင်းထည့်ကာ အရှိန်နှေးနှေးဖြင့် ထပ်မွှေပါ။

နွားနို့အရောအနှော တစ်ဝက်ခန့် လောင်းထည့်ကာ ထပ်မွှေပါ။ ကျန်ရှိနေသော ဂျုံမှုန့် တစ်ဝက်ခန့် ထည့်ကာ မွှေပါ။ ကျန်ရှိနေသော နွားနို့အားလုံး လောင်းထည့်ကာ မွှေပြီးတဲ့နောက်မှာ ဂျုံမှုန့်များ အားလုံး လောင်းထည့်ကာ နောက်ဆုံးတစ်ကြိမ် မွှေလိုက်ပါ။