သကြားနည်းနည်းပဲအသုံးပြုထားတဲ့ စတော်ဘယ်ရီယို

ပေါင်မုန့်ယိုသုတ် စားတဲ့အခါ အလိုက်ဖက်ဆုံးယိုကတော့ စတော်ဘယ်ရီသီးယိုပဲဖြစ်ပါတယ်။ စတော်ဘယ်ရီယိုကဆိုရင် မချိုမချဉ်လေးနဲ့ စားလို့ကောင်းပြီး ကြာရှည်အစားခံတဲ့အစားအစာတစ်ခုပဲဖြစ်ပါတယ်။

MyFood Myanmar ရဲ့ အစားအသောက်ချစ်သူအနေနဲ့ အဆင်သင့်စားရတဲ့ အသင့်စားယိုကို အသုံးမပြုချင်ဘူးဆိုရင်တော့ မိမိအိမ်မှာ သဘာဝအစားအစာတွေနဲ့သာ အသုံးပြုထားတဲ့ စတော်ဘယ်ရီယိုလေး လုပ်စားနိုင်သေးတယ်နော်။

ပါဝင်ပစ္စည်းများ

စတော်ဘယ်ရီသီး ၂ ပေါင်
ကယ်လ်စီယမ်ပေါင်ဒါ လက်ဖက်ရည်ဇွန်း တစ်ဝက်
ရေ ၄ အောင်စ
Citrus Pectin ပေါင်ဒါ လက်ဖက်ရည်ဇွန်း ၂ ဇွန်း (ထိုအမှုန့်က သစ်သီးယိုကို ခဲစေတဲ့ ဂုဏ်သတ္တိရှိပါတယ်)
သကြား ၂၂၅ ဂရမ်

ပြုလုပ်နည်း အဆင့်ဆင့်

၁။ စတော်ဘယ်ရီသီးများကို အိုးအကြီးတစ်လုံးထဲ ထည့်ပြီးနောက် အနှစ်များရအောင် ချေပစ်လိုက်ပါ။

၂။ ပန်းကန်လုံးအကြီးတစ်လုံးထဲတွင် ကယ်လ်စီယမ်အမှုန့်နှင့် ရေတို့ကို သမအောင် ရောမွှေထားလိုက်ပါ။

၃။ ထို့နောက် စတော်ဘယ်ရီအိုးထဲသို့ ကယ်လ်စီယမ်အရည် လက်ဖက်ရည်ဇွန်း ၂ ဇွန်းထည့်ကာ သမအောင် မွှေထားလိုက်ပါ။

၄။ အခြားပန်းကန်လုံးတစ်လုံးထဲတွင် Pectin ပေါင်ဒါ လက်ဖက်ရည်ဇွန်း ၂ ဇွန်းကို သကြားနှင့် သမအောင် ရောမွှေထားလိုက်ပါ။

၅။ ကယ်လ်စီယမ်အရည်ရောထားသော စတော်ဘယ်ရီအိုးကို မီးပြင်းပြင်းဖြင့် ပွက်ပွက်ဆူလာအောင် တည်ထားလိုက်ပါ။ ထို့နောက် စောစောက Pectin ပေါင်ဒါနှင့် သကြားအရောအနှောတို့ကို အိုးထဲလောင်းထည့်ပြီးနောက် အဆက်မပြတ်မွှေပေးလိုက်ပါ။

၆။ စတော်ဘယ်ရီအရည်များ ပွက်ပွက်ဆူလာပါက မီးပိတ်လိုက်လို့ရပါပြီ။