ရန်ကုန် မုန့်ဟင်းခါး စားနေကျလူများ အတွက်တော့ ပုဇွန်ချဉ်၊ ခရမ်းချဉ်သီးနဲ့ ဆန်နှစ်ထည့်စားတာ အဆန်းမို့လို့ မုန့်ဟင်းခါး နစ်သက်သူများကို ကိုကျော်လင်းသန့်ရဲ့ ဒေသစာ မဒေါက်မုန့်ဟင်းခါးကို ရှယ်လိုက်ပါတယ်။
ပါဝင်ပစ္စည်းများ
- ငါးပြုတ်ရည်၊ ငှက်ပျောအူ
- ပဲသီး၊ နံနံပင်
- ခရမ်းချဉ်သီး၊ ငါးချဉ်
- ဆန်နှစ်
- ဆန်လှော်မှုန့်များများ
ပြုလုပ်နည်း
ငါးပြုတ်ရည်နဲ့ ငှက်ပျောအူကို ချက်ထားတာပါ။ ဆန်လှော်မှုန့် မပါ။ ငပိ မထည့်၊ ဆီ မသုံးပါ။ ငါးပြုတ်ရည် ပွက်ပွက်ဆူတော့ ဟင်းရည်ရပါပြီ။
မုန့်ပွဲပြင်လျင် ပဲသီး ၊ နံနံပင် ၊ ခရမ်းချဉ်သီး အပြင် ငါးချဉ် ထည့်စားပါတယ်။ ဆန်နှစ် (မုန့်ဖိုက ဆန်ကြိတ်ထားတာကို နည်းနည်းတောင်း ၊ ရေဖျော်ပြီး ၊ နနွင်းထည့်ကြိုပါ ။ ဆန်နှစ် ခဲလျင် ကြက်သွန်ဖြူ ဆီချက်ကို အပေါ်မှ ဆမ်းထားပါ။)
စားတော့မှ ဆန်နှစ် တစ်ဇွန်းလောက်ထည့် ၊ ငါးချဉ် ကြိုက်သလောက် ထည့် ၊ ဆန်လှော်မှုန့် ထည့် ၊ ဟင်းရည်ကြဲလေးနဲ့ ပဲကြော် ကြွပ်ကြွပ်ထည့်ပြီး စားကြတာပါ။ အရည် နည်းနည်း ဆန်လှော်မှုန့် များများနဲ့ အသုတ် ကဲ့သို့ နယ်စားနိုင်ပါတယ်။
Credit: Kyaw Lin Thant
