လွယ်လွယ်ကူကူလုပ်စားလို့ရပြီး ချစ်ဖို့ကောင်းတဲ့ Mini Corn Dogs

အလုပ်များတဲ့ ရက်သတ္တပတ်တွေမှာ မိသားစုအတွက် အမြန်စားလိုတဲ့အခါမျိုးတွေမှာ လွယ်လွယ်ကူကူလုပ်စားလို့ရတဲ့ နေ့လည်စာ သို့မဟုတ် ညစာ ကို စဥ်းစားနေတယ်ဆိုရင် Mini Corn Dogs လေးကိုသာ သတိရလိုက်ပါ။ ချစ်ဖို့ကောင်းတဲ့ Mini Corn Dogs လေးက ရိုးရှင်းပြီး အရသာရှိတဲ့ ဟင်းလျာဖြစ်တာမလို့ ကလေးတွေလည်းကြိုက်မှာပါ။

ပါဝင်ပစ္စည်းများ

Cornbread Mix 1 ဗူး (8.5 အောင်စ တစ်ဗူး)
ကြက်ဥ ၁ လုံး
နို့ ⅓ ခွက်
ကြက်သွန်ဖြူမှုန့် လက်ဖက်ရည်ဇွန်း ¼ ဇွန်း
ကြက်သွန်နီမှုန့် လက်ဖက်ရည်ဇွန်း ¼ ဇွန်း
ငရုတ်သီးမှုန့် လက်ဖက်ရည်ဇွန်း ¼ ဇွန်း
ဟော့ဒေါ့ ၄ ချောင်းကို ပိုင်းဖြတ်ထားပါ

ချက်ပြုတ်နည်းအဆင့်ဆင့်

မီးဖိုကို 400 ဒီဂရီ ဖာရင်ဟိုက်ဖြင့် ကြိုတင်အပူပေးပါ။ အလတ်စား ဇလုံတစ်ခုထဲမှာ ဟော့ဒေါ့ကလွဲပြီး ကျန်တဲ့ ပါဝင်ပစ္စည်းတွေကို သမအောင်မွှေပေးပါ။
မွှေထားတဲ့မုန့်အနှစ်တွေကို Muffin ခွက်တစ်ခုစီတွင် ထည့်ပြီး Muffin တစ်ခုစီရဲ့အလယ်မှာ ဟော့ဒေါ့တစ်ပိုင်းကို ညင်သာစွာ ဖိပေးပါ။
ရွှေညိုရောင်ပြောင်းပြီး ကျက်တဲ့အထိ ၈ မိနစ်မှ ၁၀ မိနစ်ခန့် မီးဖုတ်ပေးပါ။ ကျက်သွားတဲ့အခါ Muffin ကနေမထုတ်ခင် မိနစ်အနည်းငယ်လောက် အအေးခံပေးပါ။