မုန့်ဖုတ်စက်ရှိရုံနဲ့အိမ်မှာအလွယ်တကူလုပ်စားနိုင်မယ့် Mini Cheeseburger Cups

အိမ်မှာ မုန့်ဖုတ်စက်လေးရှိတယ်ဆိုရင်တော့ အရသာရှိတဲ့ Mini Cheeseburger Cups လေးကို အလွယ်တကူလုပ်စားနိုင်မှာပဲ ဖြစ်ပါတယ်။ လုပ်ရတာလွယ်ပြီး အရသာလည်းရှိတာကြောင့် မိသားစုနဲ့အတူ လုပ်စားလို့ရသလို၊ အမြင်လေးကလည်း စားချင်စဖွယ်လေးဖြစ်တာကြောင့် ကိုယ်တိုင်လုပ်ပြီး လက်ဆောင်ပေးလို့လည်းရတဲ့အတွက် Try ကြည့်သင့်ပါတယ်နော်။

မီးဖိုပေါ်ကို အိုးတင်ပြီး ဆီ – စားပွဲတင်ဇွန်း ၁ ဇွန်းထည့်ပါ။ မီးကို အပူရှိန်လျှော့ထားပေးပါ။ နုတ်နုတ်ဆင်းထားတဲ့ ကြက်သွန်နီ – ပန်းကန်လုံးအသေးတစ်လုံးစာထည့်ပြီး မွှေပေးပါ။

ခဏနေရင်တော့ အမဲသား (ground beef) – ၄၅၅ ဂရမ်ထည့်ကြော်ပါမယ်။ အမဲသားမစားရင် ကြက်သား (သို့) ဝက်သားကို နုတ်နုတ်ဆင်းပြီး ထည့်လို့လည်း ရပါတယ်။

Ketchup ဆော့စ် – စားပွဲတင်ဇွန်း ၃ ဇွန်း၊ Mustard ဆော့စ် – စားပွဲတင်ဇွန်း ၁ ဇွန်း၊ ကြက်သွန်ဖြူအမှုန့် – လက်ဖက်ရည်ဇွန်းတစ်ဝက်၊ ဆား – အနည်းငယ်၊ ငရုပ်ကောင်းမှုန့် – အနည်းငယ် ထည့်မွှေပြီး ကြော်ပေးပါ။ ရရင် ခူးထုတ်ထားပေးပါ။

ပန်းကန်လုံးအကြီးထဲကို ဂျုံမှုန့် – ခွက် ၂ ခွက်စာ၊ Baking powder – စားပွဲတင်ဇွန်း ၁ ဇွန်း၊ ဆား – လက်ဖက်ရည်ဇွန်းတစ်ဝက် ထည့်မွှေပါ။ နွားနို့ – ၁၈၀ မီလီမီတာနဲ့ သံလွင်ဆီ – စားပွဲတင်ဇွန်း ၂ ဇွန်း ထည့်ပြီး သမအောင်မွှေပါ။ နယ်ပါ။