အရွက်မှာလက်ဖက်ဆိုတဲ့ဆိုရိုးစကားအတိုင်း လက်ဖက်ကတော့ မြန်မာတို့အကြိုက်ဆုံး အစားအစာပါပဲ။
လက်ဖက်သုပ်၊ ရေနွေးကြမ်းနဲ့ ဧည့်သည်ကို ဧည့်ခံတတ်တဲ့ဓလေ့က မြန်မာတို့ရဲ့ ချစ်စရာဓလေ့တစ်ခုဖြစ်ပါတယ်။
ဒီတခါမှာတော့ အရသာရှိလှတဲ့ လက်ဖက်သုပ်သုပ်နည်းလေးကို မျှဝေပေးချင်ပါတယ်။
ပါဝင်ပစ္စည်း
- လက်ဖက်
- အကြော်စုံ
- မြေပဲကြော်
- ဂေါ်ဖီတစ်စိပ်
- ကြက်သွန်နီ
- ခရမ်းချဉ်သီး ၁ လုံး (သို့) ၂ လုံး
- ငရုတ်သီးစိမ်း
- ကြက်သွန်ဖြူ ၁ လုံး
- မြေပဲဆီ
- ဆားအနည်းငယ်
- ဟင်းခတ်မှုန့်အနည်းငယ်
- ပုဇွန်ခြောက်
ပြုလုပ်နည်း
အရင်ဆုံး ဂေါ်ဖီ၊ ခရမ်းချဉ်သီး၊ ငရုတ်သီး၊ ကြက်သွန်နီ၊ ကြက်သွန်ဖြူ တို့ကို ပါးပါးလှီးလိုက်ပါ။
ပန်းကန်ထဲမှာ (ပုဇွန်ခြောက်၊ သံပရာသီးကလွဲပြီး) ပါဝင်ပစ္စည်းတွေအားလုံးကို အတူတူစုထည့်လိုက်ပြီး ဆီရွှဲရွှဲလေးနဲ့ သုပ်ပေးလိုက်ပါ။
အရသာမြည်းကြည့်ပြီးဆားလိုရင် ဆားထည့်ပါ။
ပြီးရင်တော့ သံပုရာသီးလေး တစ်ခြမ်းလောက်ညှစ်ပေးလိုက်ပြီး နယ်ပေးလိုက်ပါ။ ပုဇွန်ခြောက်ကိုလည်း အပေါ်ကနေဖြူးလိုက်ပါ။
အပျင်းပြေပဲစားစား၊ ထမင်းနဲ့စားစား အရသာရှိတယ်နော်။
By: MyFood Myanmar
