အားလုံးပဲ မင်္ဂလာပါ။ ဝက်သားကြော် ကြိုက်နှစ်သက်သူများအတွက် မှို ဝက်သားရောကြော် ပြုလုပ်နည်းကို ဝေမျှပေးချင်ပါတယ်။
ပါဝင်ပစ္စည်းများ
- ဝက်သား ၂၀၀ ဂရမ် (ပါးပါးလှီးထားပါ)
- ဆား လက်ဖက်ရည်ဇွန်း ၄ ပုံ ၁ ပုံ
- ဟင်းချက်ဝိုင် စားပွဲတင်ဇွန်းတစ်ဝက်
- ခရုဆီ စားပွဲတင်ဇွန်းတစ်ဇွန်းနှင့် ပဲငံပြာရည်အကြည် စားပွဲတင်ဇွန်းတစ်ဝက်
- တစ်လက်မပတ်လည် ဂျင်းတုံးတစ်တုံး (အခွံခွာပြီး ပါးပါးလှီးထားပါ)
Source: Mashed.com
- ကြက်သွန်မြိတ် ၄ ပင် (ပါးပါးလှီးထားပါ)နှင့် ကြက်သွန်ဖြူ ၁ မြွှာ (ပါးပါးလှီးထားပါ)
- ဝက်သားပြုတ်ရည် (သို့) ရေ စားပွဲတင်ဇွန်း ၄ ဇွန်း
- ငရုတ်ကောင်းမှုန့် လက်ဖက်ရည်ဇွန်း ၄ ပုံ ၁ ပုံနှင့် ပြောင်းမှုန့် လက်ဖက်ရည်ဇွန်း ၃ ဇွန်း
- နှမ်းဆီ လက်ဖက်ရည်ဇွန်း ၂ ဇွန်းနှင့် ဟင်းချက်ဆီအနည်းငယ်
- မှို ၁၀ ပွင့် (ပါးပါးလှီးထားပါ)
ပြုလုပ်နည်း အဆင့်ဆင့်
၁။ ဝက်သားကို ပါးပါးလှီးပြီးနောက် ဆား၊ ဟင်းချက်ဝိုင်၊ ခရုဆီ၊ ရေ (သို့မဟုတ် ဝက်သားပြုတ်ရည်)နှင့် ငရုတ်ကောင်းမှုန့်တို့ဖြင့် သမအောင် ရောမွှေထားလိုက်ပါ။ ၃ မိနစ်ခန့် စိမ်ထာားပြီးနောက်မှာတော့ ပြောင်းမှုန့်ထည့်ပြီး သမအောင် နယ်ပြီးနောက်မှာ ၁၀ မိနစ်ခန့် ထားထားလိုက်ပါ။ ကြော်ခါနီးကျမှ နှမ်းဆီ လက်ဖက်ရည်ဇွန်းတစ်ဇွန်းထည့်ပြီး သမအောင် ထပ်မွှေပေးလိုက်ပါ။
၂။ ဒယ်အိုးကို အပူပေးလိုက်ပါ။ ဟင်းချက်ဆီအနည်းငယ်ထည့်ပြီးနောက် ဆီပူလာပါက ဝက်သားထည့်ကာ ၅ စက္ကန့်၊ ၈ စက္ကန့် ခန့် ကြော်ပေးလိုက်ပါ။ ထို့နောက် ပန်းကန်လုံးထဲသို့ ချက်ချင်း ဆယ်ယူလိုက်ပါ။
၃။ ဒယ်အိုးထဲတွင် ဆီအများအပြား ကျန်နေပါက ထိုဆီများကို ခပ်ထုတ်လိုက်ပါ။ ကြက်သွန်ဖြူ ဆီသတ်ဖို့ရန်အတွက် ဆီ စားပွဲတင်ဇွန်း ၁ ဇွန်းခန့် ထားထားခဲ့ရင် ရပါတယ်။ ထို့နောက် ကြက်သွန်ဖြူ၊ ဂျင်းနှင့် ကြက်သွန်မြိတ်တို့ထည့်ပြီး အနံ့မွှေးလာသည်အထိ ဆီသတ်ပေးလိုက်ပါ။ ထို့နောက် မှို၊ ခရုဆီနှင့် ပဲငံပြာရည်အကြည်တို့ထည့်ပြီး စက္ကန့် ၃၀ ခန့် ကြော်ပေးလိုကပါ။
၄။ ထို့နောက် ကြက်သွန်မြိတ်နှင့် ဝက်သားများထည့်ကာ မှိုဖြင့် ရောကြော်ပေးလိုက်ပါ။ ဒါဆိုရင်တော့ အရသာရှိတဲ့ မှို ဝက်သားကြော် ဟင်းလျာလေး ရရှိသွားပါပြီ။
Source: Chinasichuanfood.com
