မှို ဝက်သားပြားကင် ပြုလုပ်နည်း

နာမည်ကြားရုံနဲ့တင် သွားရေတမြှားမြှားကျချင်စရာကောင်းတဲ့ မှို ဝက်သားပြားကင်ကို မိမိအိမ်မှာပဲ အလွယ်တကူလုပ်စားလို့ရမယ့် နည်းလမ်းလေးကို ဝေမျှပေးချင်ပါတယ်။ ဒီ မှို ဝက်သားပြားကင် ဟင်းလျာကို ထမင်းနဲ့ တွဲဖက်စားသုံးလို့လည်းရသလို၊ အာလူးပြုတ်၊ ခေါက်ဆွဲစတဲ့ အစားအစာများနဲ့လည်း တွဲဖက်စားသုံးလို့ရပါတယ်။

ပါဝင်ပစ္စည်းများ

Photo Source: www.istockphoto.com

ဝက်သားပြား ၉ ပြား
မှို ပန်းကန်လုံး တစ်လုံးခွဲခန့်
Sour Cream ပန်းကန်လုံးတစ်လုံး
ကြက်သွန်နီ တစ်ခြမ်း

ဟင်းသီးဟင်းရွက်ဆီ စားပွဲတင်ဇွန်း ၃ ဇွန်း
ကြက်ဥ ၁ လုံး
ဆားအနည်းငယ်
ငရုတ်ကောင်းအနည်းငယ်

ပြုလုပ်နည်းအဆင့်ဆင့်

ကြက်ဥ ၁ လုံးကို ခက်ရင်းနဲ့ မွှေခလောက်ပြီးနောက် ဝက်သားပြားများကို ကြက်ဥအရည်ထဲ စိမ်ထားလိုက်ပါ။

ကြက်သွန်နီကို အကွင်းလိုက် လှီးဖြတ်ထားလိုက်ပါ။ မှိုများကိုလည်း အဝိုင်းလိုက် ပါးပါးလှီးဖြတ်ထားပါ။ အခြား ပန်းကန်လုံးတစ်လုံးထဲမှာ ခရင်မ်များထည့်ထားပါ။ ခရင်မ်က အရမ်းပျစ်နေရင် ရေ စားပွဲတင်ဇွန်း ၁ ဇွန်းထည့်ပေးလိုက်ပါ။

ဒယ်အိုးတစ်လုံးထဲမှာ ဆီ စားပွဲတင်ဇွန်း ၁ ဇွန်းထည့်ပြီး အပူပေးပါ။ ဝက်သားပြားများကို ရွှေညိုရောင်သမ်းလာသည်အထိ ထည့်ကြော်ပေးလိုက်ပါ။ ထို့နောက် အခြားဒယ်အိုးတစ်လုံးထဲမှာ ဆီ စားပွဲတင်ဇွန်း ၂ ဇွန်းထည့်ပြီး ကြက်သွန်နီနှင့် မှိုထည့်ပြီး ၇ မိနစ်ခန့် ထည့်ကြော်ပေးပါ။

Oven ကို အပူချိန် ၃၇၀ ဒီဂရီ ဖာရင်ဟိုက်ဖြင့် ကြိုတင်အပူပေးထားပါ။ ပြီးတဲ့အခါ ဝက်သားပြားများကို ဆားနှင့် ငရုတ်ကောင်းဖြူးထားပြီး နယ်ပေးလိုက်ပါ။ ထို့နောက် အသားကင်မယ့် လင်ဗန်းထဲမှာ ဝက်သားတုံးများ အစီအရီထည့်ထားလိုက်ပါ။