အားလုံးပဲ မင်္ဂလာပါ။ တစ်ခါတလေမှာ အရိုးရှင်းဆုံးက အကောင်းဆုံးနဲ့ အရသာအရှိဆုံးမို့လို့ ဒီတစ်ခါမှာတော့ ရိုးရှင်းလွယ်ကူတဲ့ ဟင်းချက်နည်းလေးနဲ့ အာလူးမွှေကြော်ပြုလုပ်နည်းလေးကို ဝေမျှပေးချင်ပါတယ်။
ပါဝင်ပစ္စည်းများ
• အာလူး ၃၀၀ ဂရမ်
• ကြက်သွန်မြိတ် ၂ ပင် (ပါးပါးလှီးထားပါ)
• တရုတ်နံနံ ၁ ပင် (အလှဆင်ရန်
• ဟင်းချက်ဆီ စားပွဲတင်ဇွန်း ၃ ဇွန်း
• ဆား လက်ဖက်ရည်ဇွန်း ၁ ဇွန်းနှင့် ငရုတ်ကောင်းမှုန့် လက်ဖက်ရည်ဇွန်း ၁ ဇွန်း
ပြုလုပ်နည်း အဆင့်ဆင့်
၁။ အာလူးများကို အခွံခွာပြီး ၄ စင်တီမီတာပတ်လည် ကုဗတုံးပုံသဏ္ဍာန် လှီးဖြတ်ထားလိုက်ပါ။
၂။ အိုးတစ်လုံးထဲသို့ ရေအပြည့်ထည့်ပြီး အာလူးတုံးများကို ၅ မိနစ်မှ ၇ မိနစ်ခန့်အထိ ပြုတ်လိုက်ပါ။ အချိန်ပြည့်ပါက အာလူးများကို ဆယ်ယူလိုက်ပါ။
၃။ ဒယ်အိုးထဲသို့ ဆီထည့်ကာ ဆီပူလာပါက အာလူးတုံးများ ထည့်ကြော်လိုက်ပါ။ အာလူးများ ရွှေညိုရောင်ပြောင်းသွားပါက ဆားနှင့် ငရုတ်ကောင်းမှုန့်တို့ထည့်ာ သမအောင် မွှေကြော်ပေးလိုက်ပါ။
၄။ အာလူးများ ကြွပ်ကြွပ်ရွရွလေး ဖြစ်သွားမှ ပန်းကန်ထဲပြောင်းထည့်ပြီးနောက် ကြက်သွန်မြိတ်နှင့် တရုတ်နံနံတို့ထည့်ကာ အနံ့မွှေးမွှေး အရသာရှိရှိဖြင့် မြိန်ယှက်စွာ သုံးဆောင်နိုင်ပါပြီ။
Source: Chinasichuanfood.com
