ဟင်းလျာများ ချက်ပြုတ်တိုင်းမှာ မရှိမဖြစ်လိုအပ်တဲ့ အစားအစာတစ်မျိုးကတော့ ကြက်သွန်ပဲဖြစ်ပါတယ်။ ကြက်သွန်က သင့်ရဲ့ဟင်းလျာကို အနံ့မွှေးအောင် ကူညီပေးတဲ့အပြင် ကျန်းမာရေးအတွက်လည်း အထောက်အပံ့ဖြစ်စေပါတယ်။
ဒါ့ကြောင့် ဒီတစ်ခါမှာတော့ အမဲသားကို ကြက်သွန်နီများများနဲ့ အရသာရှိအောင် ဘယ်လိုကြော်မလဲဆိုတဲ့ဟင်းချက်နည်းကို ဝေမျှပေးလိုက်တယ်နော်။
ပါဝင်ပစ္စည်းများ
- ကြက်သွန်နီ တစ်ခြမ်း (ပါးပါးလှီးထားပါ)
- ဂျင်း ၄ ပြားခန့်
- ဟင်းသီးဟင်းရွက်ဆီ စားပွဲတင်ဇွန်း ၁ ဇွန်း
- သကြား စားပွဲတင်ဇွန်း ၁ ဇွန်း
- ဟင်းချက်ဝိုင် စားပွဲတင်ဇွန်း ၂ ဇွန်း
Source: abc7news.com
- အမဲသား ဝ.၅ ပေါင်
- ခရုဆီ စားပွဲတင်ဇွန်း ၃ ဇွန်း
- ပဲငံပြာရည် စားပွဲတင်ဇွန်း ၂ ဇွန်း
ပြုလုပ်နည်း အဆင့်ဆင့်
၁။ အိုးတစ်လုံးထဲ ရေ ၅၀၀ မီလီလီတာခန့်ထည့်ပြီး ပွက်ပွက်ဆူလာအောင် တည်ထားလိုက်ပါ။ ပွက်ပွက်ဆူလာပါက အမဲသားထည့်ကာ ၁ မိနစ်ခန့် တည်ထားလိုက်ပါ။ အမဲသားရဲ့ မူလအရောင်ပြောင်းသွားပါက အမဲသားကို အိုးထဲက ဆယ်ယူလိုက်ပါ။ အအေးခံပြီးနောက်
၂။ ခရုဆီ၊ ပဲငံပြာရည်၊ ဟင်းချက်ဝိုင်နှင့် သကြားတို့ကို ပန်းကန်လုံးအသေးတစ်လုံးထဲထည့်ကာ သမအောင် မွှေထားလိုက်ပါ။
၃။ ဒယ်အိုးကို အပူပေးပြီး ဆီထည့်ပါ။ ဆီပူလာပါက ဂျင်းထည့်ပြီး ၁ မိနစ်၊ ၂ မိနစ်ခန့် ဆီသတ်လိုက်ပါ။ ထို့နောက် ကြက်သွန်မြိတ်ထည့်ပြီး ၄ မိနစ်ခန့် ကြော်ပေးလိုက်ပါ။
၄။ နောက်တစ်ဆင့်အနေနဲ့ နွှင်ထားသော အမဲသားများကို အိုးထဲထည့်ပြီး တစ်မိနစ်ခန့် ကြော်ပေးလိုက်ပါ။
၅။ ပြီးရင်တော့ အဆင့် (၂) က ရောမွှေထားတဲ့ ခရုဆီ သကြားအရောအနှောတို့ကို အမဲသားအိုးထဲ လောင်းထည့်ပြီး ၅ မိနစ်ခန့် ကြော်ပေးလိုက်ပါ။ ဟင်းရည် ပျစ်သွားပြီဆိုရင်တော့ အိုးထဲက ဆယ်ယူပြီး ပန်းကန်ပြားထဲ ပြောင်းထည့်ပေးလိုက်ပါ။
ဒါဆိုရင်တော့ အရသာရှိတဲ့ ကြက်သွန်ရောကြော် အမဲသားနွှင်ကြော်လေး ရရှိသွားပါပြီ။
Source: Spicetheplate.com
