အားလုံးပဲ မင်္ဂလာပါ။ ဟင်းရည်ပြုလုပ်တဲ့အခါမှာလည်း ပါဝင်အစားအစာတစ်မျိုးအဖြစ် ထည့်စားနိုင်သလို အကြော်အဖြစ်လည်း စားသုံးနိုင်တဲ့ ပဲပြားကို ဒီတစ်ခါမှာတော့ နှမ်းကပ်နဲ့ ရောကြော်နည်းကို ဝေမျှပေးချင်ပါတယ်။
ပါဝင်ပစ္စည်းများ
- နှမ်းစေ့အဖြူနှင့် အမဲ စားပွဲတင်ဇွန်းတစ်ဇွန်းစီ
- ပြောင်းမှုန့် စားပွဲတင်ဇွန်း ၂ ဇွန်း
- ဆားအနည်းငယ်
- ငရုတ်ကောင်းမှုန့် အနည်းငယ်
- ဆီအနည်းငယ်
- ပဲပြား တစ်တုံး (လေးထောင့် အတုံးငယ်များ တုံးထားလိုက်ပါ)
- ကြက်သွန်မြိတ် ၁ ပင် (ပါးပါးလှီးထားပါ)
ပြုလုပ်နည်း အဆင့်ဆင့်
၁။ ပန်းကန်ပြားတစ်ခုပေါ်တွင် နှမ်းစေ့အဖြူ စားပွဲတင်ဇွန်းတစ်ဇွန်း၊ နှမ်းစေ့အမဲ စားပွဲတင်ဇွန်းတစ်ဇွန်း၊ ပြောင်းမှုန့် စားပွဲတင်ဇွန်း ၂ ဇွန်း၊ ဆားအနည်းငယ်၊ ငရုတ်ကောင်းမှုန့် အနည်းငယ်တို့ထည့်ပြီး သမအောင် ရောနှောထားလိုက်ပါ။ ထို့နောက် ပြဲပားအတုံးငယ်များကို ထိုအမှုန့်များဖြင့် ရောနှောပေးလိုက်ပါ။
၂။ ဒယ်အိုးကို အပူပေးပြီး ဆီထည့်ပါ။ ဆီပူလာပါက ပဲပြားတုံးများ ထည့်ကြော်ပေးလိုက်ပါ။ ပဲပြားက ရွှေညိုရောင်ပြောင်းသွားပါက အခြားတစ်ဖက်သို့လှန်ပြီး ထပ်ကြော်ပေးလိုက်ပါ။
နှစ်ဖက်စလုံးကြော်ပြီးသွားပါက ပဲပြားရဲ့ ဘေးအနားသားတွေကို ဆက်ကြော်ပေးရပါမယ်။
အားလုံးကြော်ပြီးသွားပြီဆိုရင်တော့ အရသာရှိတဲ့ နှမ်းကပ်ပဲပြားကြော်လေး ရရှိသွားပါပြီ။ ကြက်သွန်မြိတ် အနည်းငယ်ဖြူးကာ မိမိနှစ်သက်ရာ အချဉ်ရည်၊ ဆော့စ်တို့ဖြင့် အရသာရှိရှိသုံးဆောင်နိုင်ပါပြီ။
Source: Chinasichuanfood.com
